ખેડૂતોને લોન માફ કરવાનુ વચન ? અખિલેશ યાદવ બોલ્યા - 2025 સુધી બધા ખેડૂત થશે કર્જ મુક્ત
સમાજવાદી પાર્ટીના અધ્યક્ષ અખિલેશ યાદવે મંગળવારે આગામી ઉત્તર પ્રદેશ વિધાનસભા ચૂંટણી માટે પાર્ટીનો મેનિફેસ્ટો જાહેર કર્યો. તેને 'સત્ય વચન, અતૂટ વચન'ની ટેગ લાઇન સાથે 'સમાજવાદી વચન પત્ર' કહેવામાં આવી રહ્યું છે.
અખિલેશ યાદવે એક પત્રકાર પરિષદને સંબોધતા કહ્યું, 'મને યાદ છે કે જ્યારે 2012માં સપાએ પોતાનો ઢંઢેરો બહાર પાડ્યો હતો અને પછી જ્યારે અમે સરકાર બનાવી ત્યારે અમે વિવિધ વચનો સાથે સંબંધિત તમામ વિભાગોની બેઠક યોજી હતી અને તે તમામ વચનો પૂરા કર્યા હતા. 'સત્ય વચન, અતૂટ વચન' સાથે અમે 2022 માટે મેનિફેસ્ટોના રૂપમાં આ દસ્તાવેજ સાથે લોકો પાસે જઈ રહ્યા છીએ."
અખિલેશ યાદવે કહ્યું કે ચાર વર્ષમાં એટલે કે 2025 સુધીમાં તમામ ખેડૂતોને 'દેવામુક્ત' બનાવવામાં આવશે અને 'કૃણ મુક્તિ' કાયદો બનાવવામાં આવશે, જેનો લાભ મોટાભાગના ગરીબ ખેડૂતોને થશે. "તમામ પાક માટે એમએસપી આપવામાં આવશે અને શેરડીના ખેડૂતોને 15 દિવસમાં ચુકવણી મળશે અને જો જરૂર પડશે તો તેના માટે ફંડ બનાવવામાં આવશે," તેમણે કહ્યું. તેમણે કહ્યું કે તમામ ખેડૂતોને સિંચાઈ માટે મફત વીજળી, વ્યાજમુક્ત લોન, વીમો અને પેન્શન આપવામાં આવશે.
