Akshaya Tritiya 2025: અક્ષય તૃતીયા પર ભૂલથી પણ ન કરશો આ કામ, રિસાઈને જતી રહેશે ધનની દેવી લક્ષ્મી

અક્ષય તૃતીયાનો દિવસ ખૂબ જ શુભ અને મા લક્ષ્મી સાથે સંબંધિત માનવામાં આવે છે. કહેવાય છે કે આ દિવસે કેટલીક ખાસ વાતોનુ વિશેષ ધ્યાન આપવુ જોઈએ નહી તો માતા લક્ષ્મી ઘરના ઉબરેથી જ પરત ફરે છે. આર્થિક તંગીનો સામનો કરવો પડી શકે છે. આવો જાણીએ અક્ષય તૃતીયા પર કયા ખાસ નિયમો ધ્યાનમાં રાખવા.. જાણો શુ ન કરવુ.  

અખાત્રીજ પર ભૂલથી પણ ન કરશો આ કામ 

ન કરશો આ કામ - અક્ષય તૃતીયા પર કોઈપણ પ્રકારના ખોટા કાર્ય જેવા કે ચોરી, ખોટુ બોલવુ  કે જુગાર વગેરે કરવા ન જોઈએ. આ કાર્યો કરવાથી ઘરમાંથી બરકત જતી રહે છે. જીવનમાં લાંબા સમય સુધી ખરાબ પરિણામ ભોગવવા પડે છે. ઝગડા કે વિવાદથી બચવુ જોઈએ. આ દિવસે વડીલોનુ અપમાન કરવાથી માથા લક્ષ્મી રિસાય જાય છે.  

સફાઈ ક્યા સમયે કરવી - અક્ષય તૃતીયાના દિવસે ભૂલથી પણ સાંજે ઝાડુ ન લગાવશો. ઝાડૂમાં દેવી લક્ષ્મીનો વાસ માનવામાં આવે છે.  સાંજ પછી ઘરમાં ઝાડુ લગાવવી અશુભ માનવામાં આવે છે.  ધ્યાન રાખો કે આ દિવસે ઘરમાં ગંદકી ન કરો. જે ઘરમાં ગંદકી રહે છે ત્યા ધનની દેવી લક્ષ્મી  પ્રવેશ કરતી નથી  આ દિવસે સાફ સફાઈ ન કરવાથી ઘરમા નેગેટિવિટી અને દુર્ભાગ્યનુ આગમન થઈ શકે છે. સવાર પછી અને સૂર્યાસ્ત પહેલા જ સફાઈ કરી લો. સાંજે ઘરના ઉંબરે બેસવુ ન જોઈએ.  

અન્નજળ - અક્ષય તૃતીયા પર તમારા ઘરના દરવાજા પર કોઈ  ગરીબ, ભિખારી કે પશુ પક્ષી આવે તો તેમને અન્ન-જળ વગર જવા ન દો. આવુ કરવાથી કમાયેલા ધનનુ પુણ્ય ફળ મળતુ નથી. માતા લક્ષ્મી રિસાય જાય છે અને દુર્ભાગ્ય પીછો નથી છોડતી  

ઉધારી પડશે ભારે - અક્ષય તૃતીયાના દિવસે તમારે કોઈની પાસેથી ઉધાર માંગીને ખરીદી ન કરવી જોઈએ. આવુ કરવાથી સમૃદ્ધિ નહી દરિદ્રતા આવે છે.  આ દિવસે તમારી ક્ષમતા મુજબ દાન આપો. અક્ષય તૃતીયા પર કોઈ ગરીબ ની મદદ જરૂર કરવી જોઈએ.