ગુજરાતમાં ભારે વરસાદથી 21 હજારનું સ્થળાંતર, આજે ક્યાં પડશે ભારે વરસાદ?

rain  in gujarat
Last Modified મંગળવાર, 6 ઑગસ્ટ 2019 (11:00 IST)
દક્ષિણ ગુજરાતમાં છેલ્લા અમુક દિવસોથી વરસી રહેલા વરસાદને લીધે 21 હજાર લોકોનું સ્થળાંતર કરવામાં આવ્યું છે.
'ડીએનએ' અખબાર અનુસાર સૌથી વધુ પ્રભાવિત પ્રદેશમાં સુરત, તાપી, ડાંગ, ભરૂચ, નવસારી અને વડોદરા જિલ્લાનો સમાવેશ થાય છે.
હવામાન વિભાગે કહ્યું છે કે ભારે વરસાદને કારણે આ જિલ્લાઓની નદીઓમાં પૂર આવ્યાં છે.
બીજી તરફ ડાંગ જિલ્લામાં છેલ્લા 12 કલાકમાં 11 ઇંચ વરસાદ વરસ્યો છે.
દક્ષિણ ગુજરાતના નવ તાલુકામાં ભારે વરસાદ પડ્યો છે અને કેટલાક વિસ્તારોમાં હજી વરસાદ ચાલુ છે.
ગુજરાતમાં અત્યાર સુધી સરેરાશ 61.55 ટકા વરસાદ પડ્યો હોવાની માહિતી 'દિવ્યભાસ્કર' અખબારનો અહેવાલ જણાવે છે.
આગામી દિવસોમાં ભરૂચ, સુરત, છોટા ઉદેપુર, નર્મદા તાપી અને દમણ જિલ્લામાં અતિભારે વરસાદ પડવાની આગાહી કરવામાં આવી છે.
આ સિવાય મધ્ય ગુજરાત અને સૌરાષ્ટ્રમાં પણ હવળા વરસાદ પડવાની આગાહી છે.

આ પણ વાંચો :