શનિવાર, 13 એપ્રિલ 2024
  1. મનોરંજન
  2. બોલીવુડ
  3. સમાચાર/ગપસપ
Written By
Last Modified: શનિવાર, 12 નવેમ્બર 2022 (18:45 IST)

બિપાશા બસુ અને કરણ સિંહ ગ્રોવર બન્યા પૈરેટ્સ, અભિનેત્રીએ આપ્યો પુત્રીને જન્મ

બિપાશા બાસુ અને કરણ સિંહ ગ્રોવર માતા-પિતા બની ગયા છે. અભિનેત્રીએ પુત્રીને જન્મ આપ્યો છે. બંને ઘણા સમયથી આ ખુશખબરની રાહ જોઈ રહ્યા હતા અને હવે આખરે બંને એકસાથે જીવનની આ નવી સફર માણવા જઈ રહ્યા છે. જણાવી દઈએ કે ઓગસ્ટમાં બિપાશા અને કરણે અભિનેત્રીની પ્રેગ્નન્સીની જાહેરાત કરી હતી. બંનેએ અભિનેત્રીના બેબી બમ્પના ફોટા શેર કર્યા હતા જે સોશિયલ મીડિયા પર ખૂબ વાયરલ થયા હતા. બાય ધ વે, આ પહેલા બિપાશાના પ્રેગ્નન્સીના ઘણા સમાચાર આવ્યા હતા, પરંતુ એક્ટ્રેસે ત્યારે કંઈ કહ્યું ન હતું. તેણીએ ઘણી ઇવેન્ટ્સ અને પાર્ટીઓમાં હાજરી આપી ન હતી.

બિપાશાએ કહ્યું હતું કે તે અને કરણ કોવિડ પહેલા બાળક માટે પ્લાન કરી રહ્યા હતા, પરંતુ પછી કોવિડના વધતા જતા કેસોને કારણે બંનેએ આ વિચાર છોડી દીધો. આ પછી બંનેએ વર્ષ 2021માં ફરી પ્રયાસ કર્યો અને ત્યારબાદ અભિનેત્રી ગર્ભવતી થઈ ગઈ.

પ્રેગ્નન્સીનો અનુભવ કર્યો હતો શેર

પોતાની પ્રેગ્નેન્સીના અનુભવને શેર કરતા બિપાશાએ કહ્યું કે તેને શારીરિક રીતે સક્રિય પ્રેગ્નન્સી રહી નથી અને તેની દિનચર્યામાં પણ ઘણો બદલાવ આવ્યો છે. પરંતુ આ દરમિયાન કરણ ખૂબ જ સપોર્ટિવ રહ્યો. કરણે તેણીને કંઈપણ કરવા ન દીધું કારણ કે તે જાણતો હતો કે બિપાશા તેણીની ગર્ભાવસ્થા દરમિયાન તબિયત સારી નહોતી. તે તેના મૂડ સ્વિંગને ખૂબ સારી રીતે સંભાળતો હતો અને બિપાશા સાથે વધુને વધુ સમય પસાર કરતો હતો.

બિપાશાનું સ્પેશિયલ બેબી શાવર

કરણે બિપાશા માટે સ્પેશિયલ બેબી શાવરનું પણ આયોજન કર્યું હતું. આમાં ઘણા સેલેબ્સ અને પરિવારના સભ્યો સામેલ થયા હતા. બેબી શાવરના ફોટા પણ સોશિયલ મીડિયા પર વાયરલ થયા હતા. આ ઉપરાંત પરંપરાગત બેબી શાવર પણ રાખવામાં આવ્યું હતું જે બંનેએ તેમના પરિવારના સભ્યો સાથે ઉજવ્યું હતું.