પુષ્પા 2 નું ટીઝર અલ્લુ અર્જુનની મોસ્ટ અવેટેડ ફિલ્મ 'પુષ્પા'ને રિલીઝ થયાને દોઢ વર્ષથી વધુ સમય થઈ ગયો છે. આ ફિલ્મે લોકોને તેના દિવાના બનાવી દીધા હતા. ફિલ્મ રિલીઝ થયાના થોડા સમય બાદ લોકોએ ફિલ્મના પાર્ટ 2ની ડિમાન્ડ શરૂ કરી દીધી હતી. લાંબા સમયથી ચાહકોની નજર તેના ભાગ 2 પર ટકેલી હતી. હવે મેકર્સે અલ્લુ અર્જુનના જન્મદિવસ પહેલા ફિલ્મનું ટીઝર રિલીઝ કરીને ચાહકોને એક મોટું સરપ્રાઈઝ આપ્યું છે, જેને જોઈને લોકોના રૂવાંટા ઉભા થઈ ગયા છે.
લાંબા સમયથી આ ફિલ્મના આગામી ભાગની રાહ જોઈ રહેલા ફેન્સને આ ટીઝર રિલીઝ કરીને મેકર્સે મોટી રાહત આપી છે. અલ્લુ અર્જુનના જન્મદિવસ પહેલા આ ફિલ્મનું ટીઝર બહાર આવ્યું તે ચાહકો માટે કોઈ ટ્રીટથી ઓછું નથી. તાજેતરમાં "પુષ્પા ક્યાં છે?"ના નિર્માતાઓ દ્વારા રિલીઝ કરવામાં આવી હતી. એક શીર્ષક વીડિયોમાં સમગ્ર ભારતમાં ફિલ્મની સિક્વલ 'પુષ્પા ધ રૂલ'ની ઝલક આપવામાં આવી છે. તે જ સમયે, નિર્માતાઓએ 'પુષ્પા 2' એટલે કે 'પુષ્પા ધ રૂલ'નું દમદાર ટીઝર પણ રિલીઝ કર્યું છે. સોશિયલ મીડિયા પર આ ફિલ્મના ટીઝરને લઈને લોકો ઘણી પ્રતિક્રિયા આપી રહ્યા છે.
