Shahzaib Khan: કોણ છે શાહઝેબ ખાન? જેણે એશિયા કપમાં ભારતીય બોલરોને હંફાવીને સદી ફટકારી
Shahzeb Khan
Shahzaib Khan, India U19 vs Pakistan U19: એસીસી અંડર-19 એશિયા કપ 2024ની ત્રીજી મેચ ભારત અને પાકિસ્તાન વચ્ચે દુબઈના ઈન્ટરનેશનલ ક્રિકેટ સ્ટેડિયમમાં રમાઈ રહી છે. જ્યાં પાકિસ્તાનના યુવા ઓપનિંગ બેટ્સમેન શાહઝેબ ખાને ઇનિંગની શરૂઆત કરતા સદી ફટકારીને બધાને દિવાના બનાવી દીધા છે. હાલમાં તે 95.45ના સ્ટ્રાઈક રેટથી 110 બોલમાં 105 રન બનાવીને મેદાનમાં છે. આ દરમિયાન તેની બેટમાંથી પાંચ ચોગ્ગા અને છ શાનદાર છગ્ગા આવ્યા હતા. સમાચાર લખાય છે ત્યાં સુધી પાકિસ્તાનનો સ્કોર 39.2 ઓવરના અંતે બે વિકેટના નુકસાને 206 રન છે.
કોણ છે શાહઝેબ ખાન?
Shahzaib Khan brings up his !
— Pakistan Cricket (@TheRealPCB) November 30, 2024
Batting excellently out in the middle #PAKvIND | #PakistanFutureStars | #ACCMensU19AsiaCup pic.twitter.com/5T2NXdhfE4
શાહઝેબ ખાનનો જન્મ 5 ઓક્ટોબર 2005ના રોજ પાકિસ્તાનના માનસેરા શહેરમાં થયો હતો. તેમની હાલની ઉંમર 19 વર્ષ અને 56 દિવસ છે. શાહઝેબ ડાબા હાથે બેટિંગ કરે છે. આ ઉપરાંત તે ધીમો લેફ્ટ આર્મ ઓર્થોડોક્સ બોલર છે.
શાહઝેબ ખાનનું ફર્સ્ટ ક્લાસ ક્રિકેટ કરિયર
19 વર્ષીય શાહઝેબે પાકિસ્તાન માટે અત્યાર સુધી માત્ર એક જ ફર્સ્ટ ક્લાસ ક્રિકેટ મેચ રમી છે. જ્યાં તેણે બે ઇનિંગ્સમાં 8.50ની એવરેજથી તેના બેટથી 17 રન બનાવ્યા હતા. અહીં તેનું સર્વશ્રેષ્ઠ બેટિંગ પ્રદર્શન 16 રન છે. તેણે ફર્સ્ટ ક્લાસ ક્રિકેટમાં બે ચોગ્ગા ફટકાર્યા છે.
શાહઝેબ ખાનની લિસ્ટ એ ક્રિકેટ કરિયર
બીજી બાજુ યુવા ઓપનિંગ બેટ્સમેનની લિસ્ટ A ક્રિકેટ કરિયર વિશે વાત કરીએ તો, તેણે આજની મેચ ઉપરાંત પાકિસ્તાન માટે પાંચ મેચ રમી છે. આ દરમિયાન તેના બેટથી પાંચ ઇનિંગ્સમાં 23.40ની એવરેજથી 117 રન બન્યા છે. તેનો 42 રનનો સ્કોર લિસ્ટ A ક્રિકેટમાં વ્યક્તિગત સર્વોચ્ચ સ્કોર છે. લિસ્ટ Aમાં તેણે 11 ચોગ્ગા અને બે છગ્ગા ફટકાર્યા હતા.
