માતાએ 15 દિવસના માસૂમને સાડા 5 લાખમાં વેચી દીધો, ખરીદ્યું ટીવી-ફ્રિજ, 6ની ધરપકડ
. પોતાના જ 15 દિવસના કલેજાના ટુકડા એવા બાળકને 5 લાખમાં વેચનારી માતાને ઈન્દોર પોલીસે સોમવારે ધરપકડ કરી હતી મામલો હીરા નગર પોલીસ સ્ટેશન વિસ્તારનો છે. આ સોદો આરોપી મહિલા શાઇના બીએ તેના પતિની સંમતિથી કર્યો હતો. આ પૈસાથી તેણે ટીવી-ફ્રિજ ખરીદ્યું. આ કેસમાં કુલ 8 આરોપી છે જેમાંથી બે આરોપી પોલીસના હાથે ઝડપાયા નથી. ટીઆઈ સતીશ પટેલે જણાવ્યું કે પોલીસે તમામ સામાન જપ્ત કરી લીધો છે. આરોપી માતાએ લગભગ બે મહિના પહેલા દલાલો મારફત આ સોદો કર્યો હતો. આમાંથી મળેલા પૈસાથી આરોપીઓએ ટીવી, બાઇક, વોશિંગ મશીન, કુલર સહિતની ચીજવસ્તુઓ ખરીદી હતી.
પોલીસ અધિકારી સતીષ પટેલે જણાવ્યું હતું કે આ કેસની માહિતી સામાજિક કાર્યકરો દ્વારા મળી હતી. દીપકની ફરિયાદ પરથી ગુનો નોંધવામાં આવ્યો હતો. આરોપી માતા શાઇના બીએ પોલીસને જણાવ્યું કે મારા પેટમાં ઉછરી રહેલા બાળક પર તેના પતિને શંકા હતી. આવી સ્થિતિમાં પતિએ તેને ગર્ભપાત કરાવવા માટે કહ્યું, પરંતુ ત્યાં સુધીમાં ઘણો સમય વીતી ગયો હતો અને તેણે બાળકને જન્મ આપ્યો હતો. અહીં તેણે મકાનમાલિક નેહા સૂર્યવંશી સાથે વાત કરી અને કહ્યું કે તે બાળકને વેચી શકે છે. ત્યારબાદ અલગ-અલગ દલાલો મારફત આ બાળક દેવાસ દંપતીને વેચી દીધું હતું.
પોલીસે વેચાણ અને ખરીદનારાઓને બનાવ્યા આરોપી
પોલીસે જણાવ્યું કે આ કેસમાં એક સગીર સહિત 8 લોકોને આરોપી બનાવવામાં આવ્યા છે, જેમાં વેચનાર અને ખરીદનારનો સમાવેશ થાય છે. પોલીસે જણાવ્યું કે 6 લોકોની ધરપકડ કરવામાં આવી છે અને બે લોકો ફરાર છે. અહીં બાળક ખરીદનાર લીના કહે છે કે તાજેતરમાં જ તેના બે બાળકોના મોત થયા હતા. તેને જોડિયા બાળકો હતા, પરંતુ બંનેના મૃત્યુ પછી લીના બાળક માટે તરસતી હતી. તેણે આ બાળક સાડા પાંચ લાખ રૂપિયામાં ખરીદ્યું હતું અને છેલ્લા બે મહિનાથી તે આ બાળકની દેખરેખ કરી રહી હતી. પોલીસે આરોપી માતા શાઇના બી, અંતર સિંહ, પૂજા વર્મા, નેહા વર્મા, નીલમ વર્મા, નેહા સૂર્યવંશી, લીના અને એક સગીર વિરુદ્ધ કેસ નોંધ્યો છે.
