સંબંધિત સમાચાર
- આજે વાઘ બારસ, સત્તાવાર રીતે દિવાળી પર્વનો પહેલો દિવસ
- Panvel Bhiwandi Malegaon Civic Election Results Live : પનવેલમાં પ્રથમ ચૂંટણીમાં બીજેપી સત્તા તરફ
- પીએમ મોદી આજે ગાંધીનગરની મુલાકાત લેશે, જાણો શું છે તેમનો કાર્યક્રમ
- ભરુચમાં વિદ્યાર્થીની સેલ્ફી લેવા માટે રાહુલ ગાંધીની બસ પર ચઢી ગઈ
- અમદાવાદમાં સાત બેઠકો પર મહિલા કોંગ્રેસે ટિકીટ માંગી
એનસીપીએ 10 ઉમેદવારો જીતાડવા હાર્દિકનો સહયોગ માંગ્યો, પ્રફૂલ પટેલે કરી બેઠક
એનસીપીના ગુજરાત પ્રભારી પ્રફુલ પટેલે ‘પાસ’ના સંયોજક હાર્દિક પટેલ સાથે બુધવારના રોજ એક કલાકથી વધુ ચાલેલી એક બેઠક યોજી હતી. જેમાં સૂત્રોના જણાવ્યા મુજબ એનસીપીના 10થી વધુ ઉમેદવારોને જીતાડવામાં હાર્દિક અને પાટીદાર સમાજનો સહયોગ માંગવામાં આવ્યો હતો. સૂત્રોના જણાવ્યા મુજબ 1 કલાકથી વધુ ચાલેલી આ બેઠકમાં પ્રફુલ પટેલએ હાર્દિક પાસે એનસીપીના કેટલાંક ઉમેદવારોને સમર્થન આપવાની વાત કરી હતી.
ખાસ કરીને સૌરાષ્ટ્રમાં એનસીપી 5 જેટલી બેઠકો પર જીત મેળવવા માટે વ્યૂહરચના ઘડી રહી છે. આ ઉપરાંત ઉતર ગુજરાતમાંથી પણ કેટલીક બેઠકો પર પોતાના ઉમેદવાર જીતે તે માટે હાર્દિક પાસેથી સહકાર માંગવામાં આવ્યો હતો. જો કે આ અંગે પ્રફુલ પટેલે જણાવ્યું હતું કે, આ એક ઔપચારિક બેઠક હતી. રાજ્યની સાંપ્રત સ્થિતિ અંગે ચર્ચા કરી હતી. પટેલે તેમજ હાર્દિક જણાવ્યું હતું કે, આગામી સમયમાં સાથે ચાલીને કામ કરીએ.જોકે, આ અંગે દિનેશ બાંભણિયાએ જણાવ્યું કે, આ બેઠક મારા નિવાસસ્થાને થઈ હતી. ઔપચારિક વાતોની સાથે પાટીદાર સમાજને અનામત મળે તે અંગેની ચર્ચાઓ પણ થઈ હતી.
