ગુરુવાર, 29 સપ્ટેમ્બર 2022
  1. સમાચાર જગત
  2. વ્યાપાર
  3. વ્યાપાર સમાચાર
Written By
Last Modified મંગળવાર, 14 જૂન 2022 (13:09 IST)

Gold Price Down : સોનુ-ચાંદી થયુ વધુ સસ્તુ, લગ્નની સીઝનમાં પણ 50 હજારની નીકટ પહોચ્યો 10 ગ્રામ સોનાનો ભાવ

ગ્લોબલ માર્કેટમાં તેજી છતા ભારતીય બજારમાં આજે સોના અને ચાંદીની કિમંતોમાં ઘટાડો જોવા મળ્યો છે. લગ્નની સીજન  હોવા છતા સોનાની માંગ ઘટી રહી છે જેનાથી વાયદા ભાવ 50 હજારના નિકટ આવી ગયો છે. ચાંદી પણ મંગળવારે સવારે 60 હજારના નિકટ રહી હતી. 
 
મલ્ટીકમોડિટી એક્સચેંજ (MCX) 
મલ્ટી કોમોડિટી એક્સચેન્જ (MCX) પર, મંગળવારે સવારે 24 કેરેટ શુદ્ધતાના વાયદાના ભાવ રૂ. 161 ઘટીને રૂ. 50,503 પ્રતિ 10 ગ્રામ પર આવી ગયા હતા. અગાઉ સોનું 50,537ના ભાવે ખુલ્યું હતું અને વેપાર શરૂ થયો હતો. જો કે, માંગમાં ઘટાડો થવાને કારણે, તેની કિંમત ટૂંક સમયમાં વધુ નીચે આવી ગઈ. આજે સોનાની કિંમત છેલ્લા ટ્રેડિંગ દિવસના બંધથી 0.32 ટકા નીચે આવી ગઈ છે.
 
ચાંદી પહોચી 60 હજારની નિકટ 
સોનાની જેમ ચાંદીના ભાવમાં પણ આજે ઘટાડો જોવા મળ્યો છે. સવારે, એમસીએક્સ પર ચાંદીની વાયદાની કિંમત રૂ. 126 ઘટીને રૂ. 60,185 પ્રતિ કિલોગ્રામ થઈ રહી હતી. અગાઉ ચાંદીમાં ખુલ્લેઆમ કારોબાર 60,280 રૂપિયાથી શરૂ થયો હતો. જો કે, તેની માંગ પણ આજે સુસ્ત રહી હતી અને ટૂંક સમયમાં દર અગાઉના બંધ કરતા 0.21 ટકા નીચે ગયો હતો. આ મહિનાની શરૂઆતમાં ચાંદી 62 હજારની આસપાસ વેચાઈ રહી હતી.
 
ગ્લોબલ માર્કેટમાં તેજી જોવા મળી 
વૈશ્વિક બજારમાં આજે સોના અને ચાંદીના ભાવમાં ઉછાળો જોવા મળી રહ્યો છે. યુએસ બુલિયન માર્કેટમાં, સોનાનો હાજર ભાવ 0.42 ટકા વધીને $1,828.17 પ્રતિ ઔંસ થયો હતો, જ્યારે ચાંદીનો ભાવ પણ આગલા બંધ કરતાં 0.84 ટકા વધીને $21.3 પ્રતિ ઔંસ થયો હતો. આ વર્ષે વૈશ્વિક બજારમાં ચાંદીનો મહત્તમ ભાવ 27 ડોલર પ્રતિ ઔંસની નજીક પહોંચી ગયો હતો.