જિયોમાં રોકાણ કરવુ મારા જીવનનુ સૌથી મોટુ રિસ્ક હતુ - મુકેશ અંબાની
- દુનિયામાં શ્રેષ્ઠ ટેકનોલોજીમાંથી એક છે જિયોની ઈન હાઉસ 5જી ટેકનોલોજી - અંબાણી
- રિલાયંસ એક ડીપ ટેક અને એડવાંસ મૈન્યુફેક્ચરિંગ કંપની બનવા જઈ રહી છે.
રિલાયન્સ ઇન્ડસ્ટ્રીઝના ચેરમેન અને મેનેજિંગ ડિરેક્ટર મુકેશ અંબાણીએ કહ્યું છે કે ટેલિકોમ સેક્ટરના જિયોમાં ભારે રોકાણ કરવું એ તેમના કરિયરનુ "સૌથી મોટું જોખમ" હતું. તે સમયે, ઘણા વિશ્લેષકો તેની સફળતા અંગે શંકાસ્પદ હતા. તેમણે કહ્યું કે ભારત આવી અદ્યતન ડિજિટલ ટેકનોલોજી માટે તૈયાર નથી. તેમણે કહ્યું કે "જો કોઈ કારણોસર જિયોમાં રોકાણ અપેક્ષિત લાભ ન આપી શકે, તો પણ તે ભારતને ડિજિટલ બનાવવા તરફ એક મોટું પગલું માનવામાં આવશે." અંબાણીએ મેકકિન્સે એન્ડ કંપનીને આપેલા ઇન્ટરવ્યુમાં આ વાતનો ખુલાસો કર્યો.
રિલાયન્સ જિયોમાં રોકાણ કરવાનો નિર્ણય સરળ નહોતો. "તે સમયે અમે અમારા પોતાના પૈસા રોકાણ કરી રહ્યા હતા અને હું પોતે બહુમતી શેરધારક હતો. અમે મોટા જોખમો લીધા કારણ કે સ્કેલ અમારા માટે ખૂબ મહત્વનું છે અને લક્ષ્યો પણ ખૂબ ઊંચા હતા.
5G ટેકનોલોજી વિશે વાત કરતા મુકેશ અંબાણીએ કહ્યું કે "જીઓની 5G ટેકનોલોજીનું સમગ્ર માળખું સંપૂર્ણપણે ઇન-હાઉસ વિકસાવવામાં આવ્યું છે. અમે દરેક ઘટક જાતે બનાવ્યું છે - કોર, હાર્ડવેર, સોફ્ટવેર." અમે એરિક્સન અને નોકિયાને અમારા હિસ્સાના ફક્ત 20% ભાગમાં સામેલ કર્યા જેથી અમે અમારી સિસ્ટમને વૈશ્વિક ધોરણો અનુસાર ચકાસી શકીએ. મેં મારી ટીમને કહ્યું, તમારે તેમના કરતા સારા બનવું પડશે. અને તેમણે તે કર્યું, આજે અમે ખરેખર તેમના કરતા સારા છીએ.
પોતાની ભવિષ્યની યોજનાઓ વિશે વાત કરતા મુકેશ અંબાણીએ કહ્યું, “હું હંમેશા કહેતો હતો કે આપણે ફક્ત વપરાશકર્તાઓ જ નહીં, પણ ટેકનોલોજીના માલિક બનવું પડશે, આપણે નવીનતા લાવનારા બનવું પડશે. આજે, રિલાયન્સ એક ડીપ-ટેક અને એડવાન્સ્ડ મેન્યુફેક્ચરિંગ કંપની બનવા તરફ આગળ વધી રહી છે. આપણે ટેલિકોમ્યુનિકેશનથી શરૂઆત કરી છે.
પોતાના પિતા ધીરુભાઈ અંબાણીને યાદ કરતાં તેમણે કહ્યું, “મારા પિતા કહેતા હતા - રિલાયન્સ એક પ્રક્રિયા છે, એક સંસ્થા જે આપણા પછી પણ ચાલુ રહેવી જોઈએ. હું ઇચ્છું છું કે રિલાયન્સ આપણા પછી પણ જીવે. 2027 માં, રિલાયન્સ તેની સુવર્ણ જયંતિ ઉજવશે, મારું સ્વપ્ન છે કે રિલાયન્સ 100 વર્ષ સુધી ભારત અને માનવતાની સેવા કરતી રહે.”
