Todays Rate of Petrol-Diesel - 10 દિવસોમાં 9મી વાર વધ્યા પેટ્રોલ-ડીઝલના ભાવ, જાણો કેટલું મોંઘું થયું પેટ્રોલ

પેટ્રોલ-ડીઝલના ભાવ ફરી એકવાર રડાવવા લાગ્યા છે અને ગુરુવારે ફરી એકવાર પેટ્રોલ અને ડીઝલના ભાવમાં વધારો કરવામાં આવ્યો છે. છેલ્લા 10 દિવસમાં નવમી વખત ઈંધણના ભાવમાં વધારો કરવામાં આવ્યો છે. ઓઈલ કંપનીઓની જાહેરાત મુજબ પેટ્રોલ અને ડીઝલની કિંમતમાં પ્રતિ લીટર 80-80 પૈસાનો વધારો કરવામાં આવ્યો છે. રાજધાની દિલ્હીમાં એક લીટર પેટ્રોલની કિંમત 101.81 રૂપિયા પ્રતિ લીટર થઈ જશે. તો ડીઝલનો ભાવ 93.07 રૂપિયા પ્રતિ લીટર થઈ જશે. ગુજરાતના અમદાવાદમાં પણ પેટ્રોલની કિંમત 100 રૂપિયાને પાર પહોંચી ગઈ છે. 

10 દિવસમાં 9 વખત ભાવ વધ્યા છે

તમને જણાવી દઈએ કે 10 દિવસમાં પેટ્રોલ અને ડીઝલના ભાવમાં 9 વખત વધારો કરવામાં આવ્યો છે. 22 માર્ચથી દેશભરમાં પેટ્રોલના ભાવમાં 6.20 રૂપિયા પ્રતિ લીટરનો વધારો થયો છે. આ સાથે જ ડીઝલ પણ 6 રૂપિયા 20 પૈસા પ્રતિ લીટર મોંઘુ થયું છે. આ પહેલા 21 માર્ચે રાજધાનીમાં પેટ્રોલની કિંમત 95.41 રૂપિયા અને ડીઝલની કિંમત 86.67 રૂપિયા પ્રતિ લીટર હતી.

આજે અમદાવાદમાં પેટ્રોલનો પ્રતિ લિટરનો ભાવ 101. 46 રૂપિયા છે. છેલ્લા 9 દિવસથી થઇ રહેલા વધારાને કારણે પેટ્રોલમાં 6.20 રૂપિયા જયારે ડીઝલમાં 6. 620 પૈસા વધારા સાથે મળી રહ્યું છે. આજે પણ ગુજરાતમાં પેટ્રોલમાં 80 પૈસા અને ડીઝલમાં 80 પૈસાનો વધારો થયો છે. પેટ્રોલનો ભાવ વધતા લોકોમાં અસંતોષ વધ્યો છે. વધતા ભાવ સામે કોઈ અંકુશ ન હોવાથી લોકો ચિંતામાં મૂકાયા છે. 

નાણાપ્રધાન નિર્મલા સીતારમણે મંગળવારે રાજ્યસભામાં પેટ્રોલ અને ડીઝલના ભાવમાં વધારાને પુરવઠાની સમસ્યા માટે જવાબદાર ગણાવ્યું હતું. તેમણે કહ્યું કે યુક્રેનના યુદ્ધને કારણે વિશ્વના તમામ દેશો પ્રભાવિત થયા છે.

આ રીતે ચેક કરો તમારા શહેરનો ભાવ

તમે SMS દ્વારા દરરોજ તમારા શહેરમાં પેટ્રોલ અને ડીઝલની કિંમત પણ ચકાસી શકો છો. ઈન્ડિયન ઓઈલ (IOC)ના ગ્રાહકો RSP<ડીલર કોડ>ને 9224992249 નંબર પર મોકલી શકે છે અને HPCL (HPCL)ના ગ્રાહકો HPPRICE <ડીલર કોડ>ને 9222201122 નંબર પર મોકલી શકે છે. BPCL ગ્રાહકો RSP<ડીલર કોડ> નંબર 9223112222 પર મોકલી શકે છે. આ સિવાય તમે ઈન્ડિયન ઓઈલની વેબસાઈટ અને એપ પર પણ પેટ્રોલ અને ડીઝલની કિંમત જોઈ શકો છો.