VIDEO: અમેરિકામાં ભયાનક વિમાન દુર્ઘટના, એરપોર્ટ પરથી ટેકઓફ થતા જ વિમાન થયું ક્રેશ, 3 નાં મોત
America Plane Crash: યુનાઇટેડ સ્ટેટ્સના લુઇસવિલે મુહમ્મદ અલી ઇન્ટરનેશનલ એરપોર્ટ પરથી ટેકઓફ કર્યા પછી તરત જ એક UPS કાર્ગો પ્લેન ક્રેશ થયું. UPS એક પાર્સલ કંપની છે. આ પ્લેન હવાઈ જઈ રહ્યું હતું. ફેડરલ એવિએશન એડમિનિસ્ટ્રેશન (FAA) અનુસાર, UPS MD-11 પ્લેન ટેકઓફ કર્યા પછી તરત જ ક્રેશ થયું. FAA એ જણાવ્યું કે આ અકસ્માતની તપાસ નેશનલ ટ્રાન્સપોર્ટેશન સેફ્ટી બોર્ડ (NTSB) દ્વારા કરવામાં આવી રહી છે
વિમાન જમીન પર પડતાની સાથે જ તેમાં આગ લાગી ગઈ. અકસ્માત બાદ, અધિકારીઓએ એરસ્પેસ બંધ કરી દીધી અને રહેવાસીઓને સ્થળાંતર કરવાનો આદેશ આપ્યો. યુપીએસ દ્વારા જારી કરાયેલા એક નિવેદનમાં કહેવામાં આવ્યું છે કે વિમાનમાં ત્રણ ક્રૂ સભ્યો સવાર હતા. લુઇસવિલે મેટ્રો પોલીસ અને અન્ય ઘણી એજન્સીઓ ઘટનાસ્થળે પહોંચી ગઈ. સોશિયલ મીડિયા પરના વીડિયોમાં એરપોર્ટ નજીક કાળા ધુમાડાના મોટા ગોટા ઉડતા જોવા મળ્યા
