Israel-Iran Conflict LIVE- ઇઝરાયલ અને ઈરાન વચ્ચેનો સંઘર્ષ છઠ્ઠા દિવસે પણ ચાલુ છે. બંને પક્ષો એકબીજા પર જોરદાર બોમ્બમારો કરી રહ્યા છે. ઇઝરાયલ સંરક્ષણ દળોએ ઈરાનની રિફાઇનરીઓ અને લશ્કરી કમાન્ડ પર હુમલો કરીને તેનો નાશ કર્યો હતો. જ્યારે ઈરાનના રિવોલ્યુશનરી ગાર્ડ્સે દાવો કર્યો હતો કે બુધવારે ઇઝરાયલ પરના તાજેતરના હુમલામાં ઈરાની દળોએ હાઇપરસોનિક ફતાહ-1 મિસાઇલો ચલાવી હતી.
ઈરાને ચેતવણી આપી છે
ટાઈમ્સ ઓફ ઈઝરાયલે ઈરાની સમાચાર એજન્સીઓને ટાંકીને જણાવ્યું છે કે ઈરાનના IRCG એ તેલ અવીવના કેટલાક વિસ્તારોને ખાલી કરવાની ચેતવણી જારી કરી છે. આ ચેતવણી હિબ્રુ ભાષામાં લખેલી છે. આ ચેતવણી બિલકુલ એવી જ છે જે ઈઝરાયલે ફારસી ભાષામાં તેહરાન માટે જારી કરી હતી.
ઈરાની અધિકારીઓના જણાવ્યા અનુસાર, ઈરાન પર ઈઝરાયલી હુમલાઓમાં જીવ ગુમાવનારા લોકોની સંખ્યા 220 ને વટાવી ગઈ છે, જેમાં લગભગ 70 મહિલાઓ અને બાળકોનો સમાવેશ થાય છે. તે જ સમયે, ઈઝરાયલ પર ઈરાની હુમલામાં 20 થી વધુ લોકો માર્યા ગયા છે.
