સંબંધિત સમાચાર
- પેરાસીટામોલ, પાન ડી અને કેલ્શિયમ સપ્લીમેન્ટ્સ સહિતની ઘણી દવાઓ ગુણવત્તા પરીક્ષણમાં નિષ્ફળ ગઈ
- મહાલક્ષ્મી હત્યાકાંડમાં કાતિલએ કરી આત્મહત્યા, ઝાડ સાથે લટકતી લાશ મળી, સુસાઇડ નોટમાં હત્યાની કબૂલાત
- પીએમ મોદી આજે મહારાષ્ટ્રના પ્રવાસે, 22,600 કરોડના વિવિધ પ્રોજેક્ટનું ઉદ્ઘાટન કરશે
- કર્ણાટકના સીએમ સિદ્ધારમૈયા સામે કોર્ટે તપાસ શરૂ કરવાના આપ્યા નિર્દેશ
- શ્રીલંકાના રાષ્ટ્રપતિએ સંસદ ભંગ કરી, દેશમાં સામાન્ય ચૂંટણી યોજાશે
લેબનોનમાં ઍર સ્ટ્રાઇક કર્યા બાદ ઇઝરાયલી સૈન્ય અંદર ઘૂસવાની તૈયારી કરી રહ્યું છે.
લેબનોનમાં સતત ઍર સ્ટ્રાઇક કર્યા બાદ ઇઝરાયલી સૈન્ય હવે અંદર ઘૂસવાની તૈયારી કરી રહ્યું છે.
ઇઝરાયલના સૈન્ય વડા લેફ. જનરલ હેર્ઝી હેલવી જણાવ્યું કે, લેબનોનમાં હિઝબુલ્લાહનાં ઠેકાણાં પર ભારે બૉમ્બમારો કરાઈ રહ્યો છે અને તેના કારણે હવે સૈનિકો લેબનોનમાં દાખલ થઈ શકે છે.
ઇઝરાયલના સૈનિકો સાથે વાત કરતા તેમણે કહ્યું, તમે ઍર સ્ટ્રાઇક કરી રહેલાં વિમાનોને સાંભળી શકો છો. તે સતત બૉમ્બમારો કરી રહ્યાં છે. આ એટલા કરાઈ રહ્યું છે, જેથી હિઝબુલ્લાહને ખતમ કરવાની સાથે-સાથે તમે બધા લેબનોનમાં પ્રવેશ કરી શકો.
બુધવારે ઇઝરાયલની સેનાએ દાવો કર્યો કે તેણે હિઝબુલ્લાહનાં શસ્ત્ર ભંડારો અને લૉન્ચર્સ પર હુમલા કર્યા છે.
લેબનોનના આરોગ્ય મંત્રાલય અનુસાર, બુધવારે ઇઝરાયલની ઍર સ્ટ્રાઇકમાં 50 લોકોનાં મૃત્યુ થયાં છે. ઇઝરાયલ સોમવારથી લેબનોનમાં હિઝબુલ્લાહનાં ઠેકાણાં પર ઍર સ્ટ્રાઇક કરી રહ્યું છે.
લેબનોનના આરોગ્ય મંત્રાલય અનુસાર, ઍર સ્ટ્રાઇકમાં અત્યાર સુધી 600થી વધુ લોકોનાં મૃત્યુ થયાં છે અને 1900થી વધુ લોકો ઘાયલ થયા છે.
સંયુક્ત રાષ્ટ્ર અનુસાર ઍર સ્ટ્રાઇકના કારણે લેબનોનમાં બે લાખ લોકો વિસ્થાપિત થયા છે. 40 હજાર લોકો હાલ શૅલ્ટર હોમમાં આશરો લીધો છે.
મધ્ય-પૂર્વમાં હિંસા વધતા અમેરિકા અને ફ્રાન્સે 21 દિવસના સીઝફાયરનો પ્રસ્તાવ મૂક્યો છે જેથી સ્થિતિને વધુ વણસતાં અટકાવી શકાય.
