Veg Manchurian Recipe: વીકેન્ડ પર બનાવો વેજ મંચુરિયન, જીતી લેશો સૌનું દિલ

વેજ મંચુરિયન રેસીપી(Veg Manchurian Recipe) : વિકેન્ડ પર બાળકોથી લઈને મોટા દરેકનું મન કઈક ખાસ ખાવાનું મન કરે છે.  આ દિવસોમાં દરેક વ્યક્તિ તેમના મિત્રો અથવા પરિવાર સાથે સ્વાદિષ્ટ ખોરાક અને પિકનિકનો આનંદ માણે છે. આવી સ્થિતિમાં, જ્યારે ખાવામાં કંઈક વિશેષ હોય ત્યારે મહેફિલ જામી જાય છે. ઘણા લોકોને વેજ મંચુરિયનનો સ્વાદ ખૂબ જ ભાવે છે અને આ વાનગી મોટાભાગે બાળકોની ફેવરિટ હોય છે. આજે અમે તમારા માટે વેજ મંચુરિયનની રેસિપી લઈને આવ્યા છીએ. આ કુકિંગ ટિપ્સ (Cooking Tips) અપનાવીને તમે વેજ મંચુરિયન સરળતાથી બનાવી શકો છો. 

વેજ મંચુરિયન બનાવવા માટેની સામગ્રી:

કોબીજ  - 250 ગ્રામ

તેલ - મંચુરિયન તળવા માટે

લાલ મરચું પાવડર - 1 ચમચી

કાળા મરી પાવડર - 1 ચમચી

મકાઈનો લોટ - 2 ચમચી

ફ્લાવર - 100 ગ્રામ

મેદો - 4 ચમચી

મીઠું - સ્વાદ મુજબ

આદુ-લસણની પેસ્ટ - 2 ચમચી

પાણી - અડધો ગ્લાસ

મંચુરિયન ગ્રેવી માટેની સામગ્રી:

ગાજર - 1 (બારીક સમારેલ)

કેપ્સીકમ - 1 (બારીક સમારેલ)

લીલા મરચા - 2 (બારીક સમારેલા)

વિનેગર - 2 ચમચી

સોયા સોસ - 2 ચમચી

મીઠું - સ્વાદ મુજબ

પાણી

તેલ

મંચુરિયન બનાવવાની રેસીપી:

- કોબીજ અને ફ્લાવરને સારી રીતે સાફ કરીને છીણી લો અને તેને એક મોટા વાસણમાં કાઢી લો. હવે તેમાં કોર્નફ્લોર અને મેદો ઉમેરીને મિક્સ કરો.

- આ મિશ્રણમાં કાળા મરી, લાલ મરચું, મીઠું અને આદુ-લસણની પેસ્ટ ઉમેરીને બરાબર મિક્સ કરી લો.

- જો મિશ્રણ ખૂબ ભારે લાગે તો તેમાં થોડું પાણી ઉમેરો. ત્યાર બાદ આ મિશ્રણના નાના-નાના બોલ બનાવી લો. એક પેનમાં તેલ ગરમ કરો અને બોલ્સને સોનેરી થાય ત્યાં સુધી તળો.

મંચુરિયન ગ્રેવી માટેની રેસીપી:

- ગેસ પર ધીમી આંચ પર તવાને ગરમ કરો. પેનમાં 2-3 ચમચી તેલ નાખીને ગરમ કરો. તેલ ગરમ થાય એટલે તેમાં આદુ અને લસણ નાખીને સાંતળો. આદુ અને લસણને શેક્યા પછી તેમાં તમામ શાકભાજી (ગાજર, ડુંગળી, કેપ્સિકમ અને લીલા મરચાં) ઉમેરીને બરાબર ફ્રાય કરો.

- જ્યારે શાક બફાઈ જાય ત્યારે પાણીમાં ખાંડ, મીઠું અને 2 ચમચી સોસ અને થોડો લોટ મિક્સ કરો. થોડીવાર રાંધ્યા બાદ તેમાં આ પાણી ઉમેરીને પકાવો.

- જ્યારે ગ્રેવી ઘટ્ટ થઈ જાય, ત્યારે તેમાં તૈયાર મંચુરિયન બોલ્સ ઉમેરીને બરાબર પકાવો. લો તમારું વેજ મંચુરિયન તૈયાર છે.