ગુરુવાર, 28 માર્ચ 2024
  1. સમાચાર જગત
  2. ક્રિકેટ
  3. આઈપીએલ 2022
Written By
Last Modified: મુંબઈ , શુક્રવાર, 20 મે 2022 (00:39 IST)

RCB vs GT:વિરાટ કોહલીએ અપાવી જીત, આરસીબીની પ્લેઓફમાં રમવાની આશા મજબૂત, પંજાબ-હૈદરાબાદ બહાર

. મહત્વપૂર્ણ મેચમાં વિરાટ કોહલીએ આક્રમક ઇનિંગ રમી હતી. IPL 2022ની 67મી મેચમાં રોયલ ચેલેન્જર્સ બેંગ્લોરે ગુજરાત ટાઇટન્સને 8 વિકેટે હરાવ્યું હતું. કોહલીએ સિઝનની બીજી અડધી સદી ફટકારી હતી. આ સાથે RCBની પ્લેઓફની આશા હજુ પણ ટકી રહી છે. મેચમાં ટોસ જીતીને પ્રથમ બેટિંગ કરતા નંબર-1 ગુજરાતે 5 વિકેટે 168 રન બનાવ્યા હતા. કેપ્ટન હાર્દિક પંડ્યાએ અણનમ અડધી સદી ફટકારી હતી.  જવાબમાં આરસીબીએ 18.4 ઓવરમાં 2 વિકેટે લક્ષ્ય હાંસલ કરી લીધું હતું. આ ટીમની 14 મેચમાં 8મી જીત છે. ટીમ 16 પોઈન્ટ સાથે 5માથી ચોથા ક્રમે પહોંચી ગઈ છે. જ્યારે ગુજરાતના 14 મેચમાં 20 પોઈન્ટ છે. ટીમ ટોચ પર છે. ગુજરાત અને લખનૌએ નોકઆઉટ રાઉન્ડમાં જગ્યા બનાવી લીધી છે. 2 અન્ય ટીમો નક્કી થવાની બાકી છે. 5 ટીમ આ રેસમાંથી બહાર છે.
 
આરસીબીની જીત સાથે પંજાબ કિંગ્સ અને સનરાઈઝર્સ હૈદરાબાદની આશાઓ પર પાણી ફરી વળ્યુ છે  ખતમ થઈ ગઈ છે. બંને ટીમોની એક-એક મેચ બાકી છે. પરંતુ તેમની પાસે 12-12 પોઈન્ટ છે. આવી સ્થિતિમાં, તેઓ હવે 16 પોઈન્ટ સુધી પહોંચી શકશે નહીં, જ્યારે 4 ટીમોએ અત્યાર સુધીમાં 16 પોઈન્ટ હાંસલ કર્યા છે. લક્ષ્યનો પીછો કરતા આરસીબીએ સારી શરૂઆત કરી હતી. કોહલીએ 33 બોલમાં પોતાની અડધી સદી પૂરી કરી હતી. તેણે કેપ્ટન ફાફ ડુ પ્લેસિસ સાથે પ્રથમ વિકેટ માટે 115 રન જોડ્યા હતા. 15મી ઓવરમાં ડુ પ્લેસિસને રાશિદ ખાને આઉટ કર્યો હતો. તેણે 38 બોલમાં 44 રન બનાવ્યા હતા. 5 ચોગ્ગા માર્યા.