સંબંધિત સમાચાર
- IPL 2024: નિયમોને લઈને પોન્ટિંગ-ગાંગુલીએ અમ્પાયર સામે દર્શાવી નારાજગી, રાજસ્થાન રોયલ્સની આ ચાલાકી સમજાઈ નહી
- WPL 2024 નું ચેમ્પિયન બન્યું રોયલ ચેલેન્જર્સ બેંગ્લોર, ફાઇનલમાં દિલ્હી કેપિટલ્સને 8 વિકેટે હરાવ્યું
- GT vs DC IPL 2023 - GT ની તાકત જ બની કમજોરી, આઈપીએલમાં બીજીવાર થયો આવો દગો
- દિલ્હી કેપિટલ્સને આઈપીએલમાં મળી છઠ્ઠી હાર, સનરાઇઝર્સ હૈદરાબાદે રોમાંચક મેચમાં હરાવ્યું
- KKR vs RR: જોસ બટલરની સદીએ રાજસ્થાનને અપાવી રોમાંચક જીત, KKRને 2 વિકેટે હરાવ્યું
GT vs DC: દિલ્હી કેપિટલ્સે અત્યાર સુધીની સૌથી મોટી જીત નોંધાવી, પોઈન્ટ ટેબલમાં પણ મોટી છલાંગ લગાવી.
GT vs DC IPL 2024: ઋષભ પંતની ટીમ માટે ગુજરાત ટાઇટન્સ અને દિલ્હી કેપિટલ્સની ટીમો વચ્ચે રમાયેલી મેચ એકદમ ઐતિહાસિક હતી. ઋષભ પંતની કપ્તાનીવાળી દિલ્હી કેપિટલ્સે આ મેચ એકતરફી રીતે જીતી હતી અને પોઈન્ટ ટેબલમાં પણ જોરદાર છલાંગ લગાવી હતી. જ્યારે, ગુજરાત ટાઇટન્સ ટીમ આ મેચમાં સંપૂર્ણ ફ્લોપ રહી હતી. ન તો બેટ્સમેન કંઈ અદ્ભુત કરી શક્યા અને ન તો બોલરોએ પોતાની છાપ છોડી.
અમદાવાદમાં દિલ્હીએ ટૉસ જીતીને બોલિંગ કરવાનું પસંદ કર્યું હતું. ગુજરાત ટાઇટન્સ 17.3 ઓવરમાં 89 રનમાં ઓલઆઉટ થઈ ગઈ હતી. ટાઇટન્સે લીગમાં તેમનો સૌથી લોએસ્ટ સ્કોર પોસ્ટ કર્યો. ગત વર્ષની શરૂઆતમાં ટીમ દિલ્હી સામે 125 રન સુધી મર્યાદિત રહી હતી.
DC તરફથી મુકેશ કુમારે 3, ઈશાંત શર્મા અને ટ્રિસ્ટન સ્ટબ્સે 2-2 વિકેટ લીધી હતી. અક્ષર પટેલ અને ખલીલ અહેમદને 1-1 વિકેટ મળી હતી, જ્યારે એક બેટર પણ રનઆઉટ થયો હતો. ગુજરાત તરફથી રાશિદ ખાને 31 રન બનાવ્યા, અન્ય કોઈ બેટર 15 રનનો આંકડો પણ પાર કરી શક્યો નહીં. સાઈ સુદર્શને 12 અને રાહુલ તેવટિયાએ 10 રન બનાવ્યા હતા
