સરકારી નોકરી મેળવવા માંગતા યુવકોને રાહત, સીઇટી પરીક્ષા 2021 થી ઑનલાઇન રહેવાની

Last Modified બુધવાર, 30 ડિસેમ્બર 2020 (10:05 IST)
સરકારી નોકરીની તૈયારી કરી રહેલા યુવાનો માટે રાહતના સમાચાર છે. સામાન્ય પાત્રતા પરીક્ષણ (સીઈટી) વર્ષ 2021 થી ઑનલાઇન લેવામાં આવશે. કેન્દ્રીય પ્રધાન જિતેન્દ્રસિંહે આ માહિતી આપી છે. તેમણે જાહેરાત કરી છે કે આવતા વર્ષથી સીઈટીની પરીક્ષા દેશભરમાં ઑનલાઇન થશે. સરકારી રોજગાર મેળવતા યુવાનોને આ મોટી રાહત થશે.
જીતેન્દ્રસિંહે કહ્યું કે રાષ્ટ્રીય ભરતી એજન્સી (એનઆરએ) ની રચના સામાન્ય પાત્રતા પરીક્ષા લેવા કેન્દ્રીય મંત્રીમંડળની મંજૂરીથી કરવામાં આવી છે. એનઆરએ મલ્ટિ એજન્સી બોડી હશે, જે ગ્રુપ-બી અને સી (નોન-ટેક્નિકલ) હોદ્દા માટેના ઉમેદવારોની સ્ક્રીનીંગ અને શોર્ટલિસ્ટ પરીક્ષા લેશે.

કેન્દ્રીય મંત્રી જિતેન્દ્રસિંહે કહ્યું કે આ સુધારા સાથે દેશના દરેક જિલ્લામાં ઓછામાં ઓછું એક પરીક્ષાનું કેન્દ્ર રહેશે, જે દૂરસ્થ વિસ્તારોમાં રહેતા ઉમેદવારોની પહોંચમાં વધારો કરશે. તેમણે આ સુધારણાને એતિહાસિક ગણાવી. તેમણે કહ્યું કે CET ઑનલાઇન બનાવવાનો હેતુ દરેક ઉમેદવારને સમાન તક પૂરી પાડવાનો છે. તેમણે કહ્યું કે હાલની સેન્ટ્રલ ભરતી એજન્સીઓ જેવી કે સ્ટાફ સિલેક્શન કમિશન, સ્ટેટ સિલેક્શન બોર્ડ્સ અને ઇન્સ્ટિટ્યૂટ ઑફ બેંકિંગ પર્સનલ્સ તેમની જરૂરિયાતો અનુસાર ભરતી ચાલુ રાખશે. સીઈટી નોકરી માટેના ઉમેદવારોની પ્રાથમિક તપાસ માટે જ રહેશે. જેનો સ્કોર પરિણામ જાહેર થયા પછી ત્રણ વર્ષ માટે માન્ય રહેશે.


આ પણ વાંચો :