યુટ્યુબર જ્યોતિ મલ્હોત્રાની મુશ્કેલીઓ વધી, કોર્ટે તેમને 4 દિવસના પોલીસ રિમાન્ડ પર મોકલી

પાકિસ્તાન માટે જાસૂસી કરવાના આરોપમાં ધરપકડ કરાયેલા યુટ્યુબર જ્યોતિ મલ્હોત્રાને કોર્ટમાંથી ઝટકો લાગ્યો છે. કોર્ટે જ્યોતિના પોલીસ રિમાન્ડ 4 દિવસ માટે લંબાવ્યા છે. જ્યોતિના રિમાન્ડ લંબાવવા અંગે કોર્ટમાં દોઢ કલાક સુધી ચર્ચા થઈ.

હરિયાણાના યુટ્યુબર જ્યોતિ મલ્હોત્રાની મુશ્કેલીઓ સતત વધી રહી છે. પાકિસ્તાન માટે જાસૂસી કરવાના શંકાસ્પદ આરોપસર ધરપકડ કરાયેલા યુટ્યુબરને આજે રિમાન્ડ પૂર્ણ થયા બાદ ફરીથી કોર્ટમાં રજૂ કરવામાં આવ્યો હતો. જે બાદ કોર્ટે ફરી એકવાર જ્યોતિને 4 દિવસના રિમાન્ડ પર મોકલી છે. અગાઉ જ્યોતિને 5 દિવસના રિમાન્ડ પર મોકલવામાં આવી હતી. આ સમયગાળા દરમિયાન, સુરક્ષા એજન્સીઓએ તેમની ઘણા કલાકો સુધી પૂછપરછ કરી.