શુક્રવાર, 19 જુલાઈ 2024
  1. ગુજરાતી સમાચાર
  2. ગુજરાત સમાચાર
  3. ગુજરાતી રાષ્ટ્રીય સમાચાર
Written By
Last Modified: શુક્રવાર, 17 મે 2024 (18:21 IST)

Bihar Crime News: પટનામાં શાળાની ગટરમાંથી 4 વર્ષના માસુમની મળી લાશ, ગુસ્સે થયેલા લોકોએ શાળામાં લગાવી આગ

Body of 4-year-old child found in drain of school in Patna
Body of 4-year-old child found in drain of school in Patna
બિહારના પટનાથી સનસનાટીભર્યા સમાચાર સામે આવ્યા છે. ખાનગી શાળાના ઓરડાના ગટરમાંથી 4 વર્ષના બાળકની લાશ મળી આવતાં અહી ચકચાર મચી ગઈ હતી. જે બાદ રોષે ભરાયેલા લોકોએ શાળામાં આગ લગાવી દીધી હતી. હાલ પોલીસ તપાસ કરી રહી છે.
 
આ મામલો પટનાના દિઘા પોલીસ સ્ટેશન વિસ્તારની ટાઈની ટોટ પ્રાઈવેટ સ્કૂલનો છે. 4 વર્ષના માસૂમ બાળકનું નામ આયુષ કુમાર છે. પરિવારજનોના જણાવ્યા અનુસાર બાળક ગુરુવારે સવારે શાળાએ ગયો હતો. શાળા પૂર્ણ કર્યા પછી, વિદ્યાર્થીએ તે જ શાળામાં ટ્યુશન પણ લીધા. આ દરમિયાન બાળક ઘરે પરત ન ફરતાં પરિવારજનો ભયભીત થઈ ગયા હતા.  પરિવારજનોએ તેની શોધખોળ શરૂ કરી હતી અને લગભગ 3 વાગ્યે બાળકનો મૃતદેહ શાળાના ઓરડાના ગટરમાંથી મળી આવ્યો હતો, ત્યારબાદ લોકોમાં ભયનો માહોલ જોવા મળ્યો હતો. હાલ પરિવારના સભ્યોની હાલત ખરાબ છે અને રડી રહ્યા છે. અને પોલીસ આ મામલે તપાસમાં વ્યસ્ત છે. 
 
બીજી બાજુ બાળકની ગટરમાંથી લાશ મળતા અસામાજિક તત્વોએ કાયદો હાથમાં લીધો હતો અને પટના દાનાપુર રોડ બ્લોક કરવાની સાથે આગચાંપી પણ કરી હતી. દિઘા આશિયાના રોડ પણ બ્લોક કરવામાં આવ્યો હતો. ઘણી સ્કૂલ બસો રોકી દેવામાં આવી હતી અને રાહદારીઓ પર હુમલાની ઘટનાઓ પણ બની હતી. આટલું જ નહીં, ગુસ્સે ભરાયેલા ટોળાએ બાળક જે શાળામાં અભ્યાસ કરતો હતો, તેને પણ આગ ચાંપી હતી, પોલીસ ટીમ પણ ઘટના સ્થળે પહોંચી ગઈ હતી. શાળાની બહાર મોટી સંખ્યામાં પોલીસ દળ તૈનાત કરવામાં આવ્યું હતું અને શહેરના એસપી ચંદ્રપ્રકાશ અને એસડીપીઓ 2 દિનેશ પાંડે પોતે ઘટનાસ્થળે હાજર હતા.