લાલ કીડીની ચટણીથી કોરોનાની સારવાર ? સુપ્રીમ કોર્ટ બોલ્યા - અમે તેના ઉપયોગનો નથી આપી શકતા આદેશ

સુપ્રીમ કોર્ટે કોરોનાવાયરસની સારવાર માટે લાલ કીડીની ચટણીનો ઉપયોગ કરવાનો આદેશ માંગનારી અરજીને રદ્દ કરી દીધી છે. સુપ્રીમ કોર્ટે ગુરુવારે અરજીને ફગાવી દેતા કહ્યું કે તે દેશભરમાં કોવિડ-19ની સારવાર માટે પરંપરાગત દવા અથવા ઘરેલુ ઉપચારનો ઉપયોગ કરવાનો આદેશ આપી શકતા નથી. 

જસ્ટિસ ડી.વાય. ચંદ્રચુડ, જસ્ટિસ વિક્રમ નાથ અને જસ્ટિસ હિમા કોહલીની ખંડપીઠે કહ્યુ હતું કે, જુઓ, અનેક પરંપરાગત દવા છે, અહી સુધી કે આપણા ઘરોમાં પણ ઘરેલુ ઉપચાર જાણીતા છે. આ ઉપચારના પરિણામ પણ તમારે પોતે જ ભોગવવાના હોય છે, પરંતુ અમે  સમગ્ર દેશમાં આ પરંપરાગત દવાને લાગુ કરવા માટે કહી શકતા નથી.

નયઘર પાઘિયાલને વેક્સીન લગાવવાનો આદેશ 

ખંડપીઠે ઓડિશાના આદિવાસી સમુદાયના સભ્ય નૈધર પhiીયાલને કોવિડ -19 વિરોધી રસી લેવાનો નિર્દેશ આપતી અરજીને ફગાવી દીધી હતી. અરજદાર તરફથી હાજર રહેલા એડવોકેટ અનિરૂધ સાંગનેરિયાએ રજૂઆત કરી હતી કે ઓડિશા હાઇકોર્ટે અરજી ફગાવી દીધી હતી અને તેઓએ નિર્ણયને પડકાર્યો હતો.

ઔષધીય ગુણોથી ભરપૂર હોય છે લાલ કીડીની ચટણી 

અરજીમાં કહેવામાં આવ્યું છે કે લાલ કીડી અને લીલા મરચાંને ભેળવીને બનાવેલી ચટણીનો ઉપયોગ ઓડિશા અને છત્તીસગઢ સહિત દેશના આદિવાસી વિસ્તારોમાં તાવ, ઉધરસ, શરદી, થાક, શ્વાસની સમસ્યાઓ અને અન્ય બિમારીઓ માટે દવા તરીકે કરવામાં આવે છે. અરજીમાં દાવો કરવામાં આવ્યો છે કે લાલ કીડીની ચટણી ઔષધીય ગુણોથી સમૃદ્ધ છે અને તેમાં ફોર્મિક એસિડ, પ્રોટીન, કેલ્શિયમ, વિટામિન બી 12 અને જિંક હોય છે અને કોવિડ-19 ની સારવારમાં તેની અસરને ચકાસવાની જરૂર છે.