સંબંધિત સમાચાર
- અમદાવાદની ‘લાલ બસ’ હવે હાઈટેક: 28 નવી ઇલેક્ટ્રિક AC બસોનું લોકાર્પણ, સાયબર સુરક્ષા ફીચર ધરાવતી દેશની પ્રથમ બસ
- કોમનવેલ્થ 2030 પછી ભારત 2036 ઓલિમ્પિકની મેજબાની માટે તૈયાર, જય શાહે ભારતને 100 અને તેમાંથી 10 મેડલ ગુજરાતે લાવવાનું આપ્યું લક્ષ્ય
- ગુજરાત સરકાર–L&T વ્યોમા વચ્ચે MoU: ધોલેરામાં 25 હજાર કરોડના AI ડેટા સેન્ટર પ્રોજેક્ટની જાહેરાત
- સુરેન્દ્રનગરમાં નવનિયુક્ત પ્રમુખ હાર્દિકભાઈ ટમાલિયાના અભિવાદન કાર્યક્રમ
- અટલ બીજ પર ફરતા લીધી ચા ની ચુસ્કી, નિતિન નવીને સવાર સવારે સાબરમતી રિવરફ્રંટની મજા માણી - Photo
અમદાવાદમાં વાહનવ્યવહારનો 'મેગા પ્લાન': 2030 કોમનવેલ્થ ગેમ્સ પૂર્વે લક્ઝરી અને ST બસોની એન્ટ્રી પર પ્રતિબંધ
Ahmedabad Traffic Plan
અમદાવાદ શહેરને વૈશ્વિક સ્તરે ચમકાવવા અને ટ્રાફિકની સમસ્યામાંથી મુક્તિ અપાવવા માટે રાજ્ય સરકાર અને અમદાવાદ મ્યુનિસિપલ કોર્પોરેશન (AMC) દ્વારા ઐતિહાસિક નિર્ણયો લેવામાં આવ્યા છે.
ટ્રાફિક નિયંત્રણ માટે કડક અમલીકરણ
શહેરમાં વધતા જતા ટ્રાફિક લોડને ઘટાડવા માટે આગામી 2030 કોમનવેલ્થ ગેમ્સ સુધીમાં તમામ ખાનગી લક્ઝરી બસો અને ગુજરાત એસટી (ST) નિગમની બસોની શહેરની અંદર એન્ટ્રી બંધ કરવામાં આવશે. આ તમામ બસોને શહેરની બહાર જ રોકી દેવામાં આવશે, જેથી મુખ્ય માર્ગો પર ભારણ ઘટે.
'AmdavadNXT': પબ્લિક ટ્રાન્સપોર્ટને મજબૂત બનાવવાનો સંકલ્પ
સાબરમતી રિવરફ્રન્ટ ખાતે યોજાયેલા 'AmdavadNXT' એક્ઝિબિશનમાં શહેરી વિકાસ મંત્રી દર્શનાબેન વાઘેલાએ જણાવ્યું હતું કે નાગરિકો વધુમાં વધુ AMTS, BRTS અને મેટ્રો રેલનો ઉપયોગ કરે તે માટે માળખું સુધારવામાં આવશે. એક જ ઘરમાં અનેક ખાનગી વાહનો હોવાથી વધતી સમસ્યાને રોકવા જનજાગૃતિ લાવવામાં આવશે. મેટ્રો સ્ટેશનો પર પાર્કિંગ સુવિધાઓમાં વધારો કરવામાં આવશે.
"આપણું શહેર, આપણો માર્ગ"
— Pratibha R Jain (@PratibhaJainBJP) February 21, 2026
આજ રોજ અમદાવાદ મ્યુનિસિપલ કોર્પોરેશન અને Shift Transport નાં સંયુક્ત ઉપક્રમે આયોજિત અમદાવાદ NXT - મોબિલિટી એક્ઝિબીશનનો માનનીય શહેરી વિકાસ રાજ્યમંત્રીશ્રી દર્શનાબેન વાઘેલાજીના વરદ્હસ્તે શુભારંભ કરવામાં આવ્યો.
(1/3) pic.twitter.com/mTBFVabcPp
ગ્રીન મોબિલિટી અને 'નેટ ઝીરો' લક્ષ્યાંક
અમદાવાદના મેયર પ્રતિભા જૈને વડાપ્રધાનના 2070 'નેટ ઝીરો' મિશનને અનુરૂપ ભવિષ્યની રૂપરેખા આપી. પ્રદૂષણ ઘટાડવા શહેરમાં 3000+ ઈલેક્ટ્રિક બસો દોડાવવામાં આવશે. ઈલેક્ટ્રિક વાહનોને પ્રોત્સાહન આપવા માટે વ્હીકલ ટેક્સમાં 100% મુક્તિ આપવામાં આવી છે. એરપોર્ટ અને ગિફ્ટ સિટીને જોડતી 4 નવી મેટ્રો લાઈનનો પ્રસ્તાવ તૈયાર છે.
2036 ઓલિમ્પિક્સ માટેનું વિઝન
માત્ર 2030ની કોમનવેલ્થ જ નહીં, પણ 2036ની ઓલિમ્પિક્સ માટે પણ અમદાવાદ સજ્જ થઈ રહ્યું છે.
-વૈશ્વિક ઈન્ફ્રાસ્ટ્રક્ચર: સેકન્ડ રિંગ રોડ, લોજિસ્ટિક પાર્ક અને રિવરફ્રન્ટનું વિસ્તરણ કરી શહેરને 'વર્લ્ડ ક્લાસ લિવબલ સિટી' બનાવવામાં આવશે.
-આંતરરાષ્ટ્રીય ધોરણો: વિદેશી પ્રતિનિધિઓ આવે ત્યારે શહેરની છબી સુધારવા માટે ફૂટપાથ અને માર્ગોનું આધુનિકીકરણ કરાશે.
