સંબંધિત સમાચાર
- French Fries- ક્રિસ્પી ફ્રેન્ચ ફ્રાઈસ નથી બનાવી શકતા? આ કરો.. સ્ટોર કર્યા પછી પણ તે સ્વાદિષ્ટ રહેશે.
- 18 વર્ષથી ગુજરાતની આ સીટ બીજેપીના પહોચથી દૂર, શુ આ વખતે 162 મી સીટ જીતીને કમાલ કરી બતાવશે ? આપ ના 'હીરો' સામે સીઆર પાટિલે ખુદ લીધી કમાન
- ગુજરાતી જોક્સ- શિલાંગ જવાની જીદ
- ગુજરાતી જોક્સ - એમ્બ્યુલન્સ મંગાવ
- Vat Savitri Vrat Katha - વટ સાવિત્રી વ્રત કથા (વ્રત કથા વીડિયો સાંભળો)
Rain Alert- ગુજરાતના 7 જિલ્લામાં વરસાદની શક્યતા, ચોમાસું ક્યારે સક્રિય થશે
ગુજરાતમાં હાલ વરસાદની કોઈ શક્યતા નથી, પરંતુ આગામી થોડા દિવસોમાં વરસાદ પડી શકે છે. હાલમાં રાજ્યમાં વરસાદની કોઈ આગાહી નથી. હવામાન વિભાગના જણાવ્યા અનુસાર, 9 થી 12 જૂન દરમિયાન રાજ્યના દરિયાકાંઠાના વિસ્તારોમાં વરસાદી વાતાવરણ રહી શકે છે. આ સાથે, થોડા દિવસોમાં ચોમાસાનું આગમન થઈ શકે છે.
હવામાન વિભાગના જણાવ્યા અનુસાર, 10, 11 અને 12 જૂન દરમિયાન અમરેલી, ભાવનગર, સોમનાથ, તાપી, વલસાડ, નવસારી, દમણ અને દાદરા નગર હવેલીમાં હળવો વરસાદ પડી શકે છે. તે જ સમયે, 13 જૂને ભાવનગર, ગીર સોમનાથ, અમરેલી, વડોદરા, પંચમહાલ, ભરૂચ, નર્મદા, સુરત, તાપી, નવસારી, ડાંગમાં વરસાદની આગાહી છે.
ચોમાસું ક્યારે આવી શકે છે?
હવામાન વિભાગના જણાવ્યા અનુસાર વલસાડમાં 10 જૂનની આસપાસ ચોમાસું આવી શકે છે.જો કે હવે ચોમાસું આવી જશે તો પણ એટલું સક્રિય નહીં થાય. જો ચોમાસું સક્રિય થશે તો તે 12 થી 15 જૂનની આસપાસ રહેશે.
13મી જૂને ગીર સોમનાથ, અમરેલી, ભાવનગર, દાહોદ, પંચમહાલ, છોટા ઉદેપુર, વડોદરા, ભરૂચ, નર્મદા, સુરત, તાપી, ડાંગ, નવસારી અને વલસાડ જિલ્લામાં હળવા વરસાદની સંભાવના છે. 14મી જૂને રાજકોટ, જૂનાગઢ, ગીર સોમનાથ, અમરેલી, ભાવનગર, બોટાદ, અરવલ્લી, મહિસાગર, દાહોદ, પંચમહાલ, છોટા ઉદેપુર, વડોદરા, ભરૂચ, નર્મદા, સુરત જિલ્લામાં છૂટાછવાયા સ્થળોએ હળવો વરસાદ પડી શકે છે.
