સંબંધિત સમાચાર
- સ્ટેચ્યૂ ઓફ યુનિટીમાં નવા ઇન્ફ્રાસ્ટ્રક્ચરનાં નામે લારી-ગલ્લાઓ હટાવતા સ્થાનિકોમાં રોષ
- અરબી સમુદ્રમાં ફરીવાર બે સિસ્ટમ સક્રિય થઈ, ગુજરાતમાં માવઠાની સંભાવના
- જાણો મોદીના કયા પ્રોજેક્ટ પર ગુજરાતમાં પાણી ફરી વળ્યું
- ભાજપના પૂર્વ પંચાયત મંત્રી જ્યંતીભાઈ કવાડીયાએ રૂ.9 કરોડનું જમીન કૌભાંડ આચર્યુ
- હવામાન વિભાગે કરી બે દિવસની કમોસમી વરસાદની આગાહી, ખેડૂતોમાં ચિંતા વધી
બિનસચિવાલય પરિક્ષા ગેરરિતી મુદ્દોઃ ગુજરાતમાં બેરોજગાર યુવાધન પર પોલીસનું દમન
બિનસચિવાલય પરીક્ષામાં થયેલી ગેરરીતિના કિસ્સા સીસીટીવી ફૂટેજ સાથે સામે આવ્યા બાદ રાજ્યભરના વિદ્યાર્થીઓમાં આક્રોશ જોવા મળી રહ્યો છે. ત્યારે વિદ્યાર્થીઓનો આ આક્રોશ હાલ ગાંધીનગર સુધી પહોંચી ગયો છે. બિનસચિવાયલયની પરીક્ષાના કૌભાંડો બહાર આવ્યા બાદ ઉમેદવારો દ્વારા પરીક્ષા કેન્સલ કરવાની માંગ ઉઠી છે. સાથે ઉમેદવારોએ ગાંધીનગર માં ઉગ્ર દેવાખો કરવાની પણ ચીમકી આપે છે. ત્યારે બિન સચિવાલયની પરીક્ષામાં ગેરરીતિના વિરોધમાં વિદ્યાર્થી સંગઠનો ગાંધીનગરમાં વિરોધ પર ઉતરે તે પહેલાં જ પોલીસે તેમની અટકાયત કરી હતી. તો બીજી તરફ, વિરોધ પ્રદર્શનના ડરથી ગૌણ સેવા પસંદગી મંડળની કચેરીને તાળુ મારી દેવામાં આવ્યું છે. ઉમેદવારો દ્વારા ગાંધીનગરમાં ઉગ્ર દેખાવો કરવાની ચીમકીના પગલે ગાંધીનગરમાં કર્મયોગી ભવનમાં આવેલી ગૌણ સેવા પસંદગી મંડળની કચેરીને તાળું મારવામાં આવ્યું છે. વિરોધ પ્રદર્શનને પગલે ગાંધીનગરમાં તેમજ ગૌણ સેવા પસંદગી મંડળની કચેરીની અંદર પણ ચુસ્ત પોલીસ બંદોબસ્ત ગોઠવાયો છે. મંડળની ઓફિસ અને સચિવાલય બહાર સુરક્ષા વધારી દેવાઈ છે. ત્યારે ગાંધીનગર ઉપવાસ છાવણીમાં એકત્ર થયેલા સૌથી વધુ પરીક્ષાર્થીઓ દેખાવ કરે એ પહેલાં જ પોલીસે તેઓની અટકાયત કરી હતી. ગૌણ સેવા પસંદગી મંડળની કચેરીએ હાલ તાળુ જોવા મળી રહ્યું છે. તો સાથે જ કચેરીના કર્મચારીઓને ચેક કરીને તાળુ ખોલ્યા બાદ જ પ્રવેશ આપવામાં આવે છે. કર્મચારી પ્રવેશે એટલે પુનઃ કચેરીને તાળું મારી દેવામાં આવે છે.
