લિમડી હાઇવે પર એમ્બ્યુલન્સ વચ્ચે જોરદાર ટક્કર, 1નુ મોત

Publish: Fri, 25 Dec 2020 (12:46 IST) Updated: Fri, 25 Dec 2020 (12:53 IST)

ગુજરાતમાં અકસ્માતોનું પ્રમાણ વધી રહ્યું છે. અકસ્માતોની વણઝાર લાગી છે ત્યારે ગત મોડી રાત્રે ઝાલોદ-લીમડી હાઇવે પર વધુ એક ગમખ્વાર અકસ્માત સર્જાયો હતો. જેમાં એક વ્યક્તિનું મોત નિપજ્યું છે. 

મળતી માહિતી અનુસાર ઝાલોદ-લીમડી હાઈવે રોડ પર મોડી રાત્રે વરોડ ગામ નજીક કાર અને એમ્બ્યુલન્સ વચ્ચે ગમખ્વાર અકસ્માત સર્જાયો હતો. જેમાં કારનો કચ્ચરખાણ વળી ગયો હતો. આ ગંભીર અકસ્માતમાં કારમાં સવાર ત્રણ લોકોને ગંભીર ઇજાઓ પહોંચી હતી જ્યારે 1 વ્યક્તિનું ઘટનાસ્થળે મોત નિપજ્યું હતું. ઇજાગ્રસ્તોને તાત્કાલિક હોસ્પિટલ ખસેડવામાં આવ્યા હતા. આ ઘટના અંગે પોલીસને જાણ થતાં પોલીસ ઘટનાસ્થળે દોડી આવી હતી. કાયવાહી હાથ ધરી હતી