મટન ચિકન છોડો.. ઈંડા પણ હવે નહી મળે.. દુનિયાનુ પહેલુ શહેર બન્યુ પાલિતાણા, જ્યા નૉનવેજ પર લાગ્યુ બૈન
ગુજરાતના પાલિતાણામાં નોનવેજ પર સંપૂર્ણ રીતે રોક લગાવી દેવામાં આવી છે. ભાવનગર જીલ્લામાં આવનારા પાલીતાણામાં હવે ફક્ત શુદ્ધ શાકાહારી ભોજન જ મળશે. આ સાથે જ પાલીતાણા દુનિયાનુ પહેલુ એવુ શહેર બની ગયુ છે જ્યા નોનવેજ પર સંપૂર્ણ રીતે રોક લગાવી દેવામાં આવી છે અને જ્યા ફક્ત શાકાહારી ભોજનની જ અનુમતિ રહેશે. આ નિર્ણય જૈન સાધુઓના ભારે વિરોધ બાદ લેવામાં આવ્યો હતો. માંસાહારી ખોરાક પર સંપૂર્ણ પ્રતિબંધથી આ શહેર વિશ્વભરમાં ચર્ચામાં આવ્યું છે. પાલિતાણા જૈનો માટે એક તીર્થસ્થાન છે, અને દેશ અને દુનિયાભરના જૈનો માટે તેને ખૂબ જ પવિત્ર તીર્થસ્થાન માનવામાં આવે છે. પ્રતિબંધ પાછળ ઊંડી ધાર્મિક માન્યતાઓને કારણભૂત ગણાવવામાં આવી છે.
જૈન મુનીઓએ કર્યો લાંબો સંઘર્ષ
પાલિતાણા ગુજરાતના સૌથી મોટા શહેર અમદાવાદથી 381 કિલોમીટર દૂર આવેલું છે. પાલિતાણા પહોંચવા માટે રોડ માર્ગે ઓછામાં ઓછા સાત કલાક લાગે છે. 2014 માં, લગભગ 200 સાધુઓએ આ જૈન તીર્થસ્થળમાં માંસાહારી ખોરાક પર પ્રતિબંધ મૂકવા માટે 250 ભૂખ હડતાળનું આયોજન કર્યું હતું. તેમણે કસાઈની દુકાનો બંધ કરવાની માંગ કરી હતી. જૈન સમુદાયની લાગણીઓને માન આપીને, સરકારે માંસ, ઈંડા અને પશુ કતલના વેચાણ પર પ્રતિબંધ મૂક્યો છે. વધુમાં, ઉલ્લંઘન માટે દંડ લાદવામાં આવ્યો છે. સરકારના આ નિર્ણયને જૈન ધર્મ માટે એક મોટી જીત તરીકે જોવામાં આવી રહ્યો છે, જે તેમની ધાર્મિક માન્યતાઓ પ્રત્યે આદર અને શાકાહારી જીવનશૈલીને પ્રોત્સાહન આપવાનું પ્રતીક છે.
પ્રતિબંધે બદલી નાખ્યો આખો નજારો
.આ પ્રતિબંધ સાથે, પાલિતાણામાં ઘણા શાકાહારી રેસ્ટોરન્ટ ખુલી ગયા છે, જેમાં વિવિધ પ્રકારની સ્વાદિષ્ટ શાકાહારી વાનગીઓ પીરસવામાં આવે છે. કેટલાક જૂથોએ આ પ્રતિબંધની ટીકા કરી છે, અને દલીલ કરી છે કે તે ખોરાકની સ્વતંત્રતાને પ્રતિબંધિત કરે છે અને પર્યટન પર નકારાત્મક અસર કરી શકે છે, કારણ કે ઘણા પ્રવાસીઓ માંસાહારી ખોરાક પસંદ કરે છે. રાજકીય રીતે, ભાવનગરના પાલિતાણા શહેર પર ભાજપનો દબદબો છે. પાલિતાણા 2002 માં વિધાનસભા મતવિસ્તાર બન્યો. ત્યારથી, 2012 સિવાય, ભાજપ સતત જીતતો રહ્યો છે. કેન્દ્રીય રમતગમત મંત્રી મનસુખ માંડવિયા 2002 માં જીત્યા પછી, આ બેઠક પરથી ધારાસભ્ય તરીકે પણ સેવા આપી ચૂક્યા છે. પાલિતાણાનું સૌથી નોંધપાત્ર આકર્ષણ વિશ્વનું સૌથી મોટું અને અનોખું 900 થી વધુ આરસપહાણના મંદિરોનું સંકુલ છે, જે શત્રુંજય પર્વત પર સ્થિત છે, જે જૈન ધર્મમાં સૌથી પવિત્ર તીર્થસ્થળ માનવામાં આવે છે.
