અમરનાથમાં વાદળ ફાટ્યું, ગુજરાતના 40થી વધુ શ્રદ્ધાળુઓ ફસાયા
જમ્મુ-કાશ્મીરમાં અમરનાથ ગુફા પાસે વાદળ ફાટવાથી ચારે બાજુ હાહાકાર મચી ગયો છે. અત્યાર સુધીમાં 16 લોકોના મોત થયા છે. જ્યારે 48થી વધુ લોકો ઘાયલ થયા છે. વાદળ ફાટ્યા બાદ 45 લોકો હજુ પણ ગુમ છે. જ્યારે જામનગર - દ્વારકા જિલ્લાના 20 શ્રદ્ધાળુઓ જ્યારે જામનગરના 20 એમ ગુજરાતના 40 જેટલા ભક્તો ફસાયા છે. જેમની શોધખોળ ચાલુ છે. સેનાના નેતૃત્વમાં NDRF, SDRF અને ITBPની ટીમો બચાવ કાર્યમાં લાગેલી છે.
વાદળ ફાટ્યા બાદ પહાડોમાંથી આવતા જોરદાર પ્રવાહ સાથે આવતા પાણીમાં શ્રદ્ધાળુઓ માટે ઉભા કરાયેલા 25 જેટલા ટેન્ટ લગાવવામાં આવ્યા હતા. આ ઉપરાંત બે થી ત્રણ લંગર પણ ધોવાઈ ગયા હતા. વરસાદને કારણે સમગ્ર વિસ્તારમાં ઝડપથી પાણી ભરાઈ ગયું હતું અને અનેક લોકો તેનાથી પ્રભાવિત થયા હતા. ડઝનબંધ યાત્રાળુઓ ગુમ છે.
ITBPએ જણાવ્યું હતું કે ગત સાંજે આવેલા અચાનક પૂરને કારણે પવિત્ર અમરનાથ ગુફા વિસ્તારની નજીક ફસાયેલા મોટાભાગના શ્રદ્ધાળુઓને પંજતરનીમાં ખસેડવામાં આવ્યા છે. ITBP એ માર્ગ ખોલ્યો છે અને સુરક્ષા ટીમોને નીચલા પવિત્ર ગુફાથી પંજતરની સુધી લંબાવી છે. લગભગ 15,000 લોકોનું સ્થળાંતર કરવામાં આવ્યું છે.
અમરનાથ શ્રાઈન બોર્ડ, J&K પોલીસ અને NDRFએ હેલ્પલાઈન નંબર જાહેર કર્યા છે
0194 2313149
0194 2496240
9596779039
9797796217
01936243233
01936243018
