સંબંધિત સમાચાર
- IPL 2026 Schedule: RCB અને SRH વચ્ચે રમાશે પહેલો મુકાબલો, પહેલા ફેઝનુ શેડ્યુલ જાહેર
- ફ્લર્ટિંગ રોબોટ! એક મહિલાને જોઈને, તે ગુસ્સે થઈ ગયો અને જાહેરમાં તેણીને હેરાન કરવાનું શરૂ કર્યું
- શ્રમિકોને ભોજનમાં નહીં પડે કોઈ મુશ્કેલી: ગેસ સપ્લાય અંગે સરકારની વૈકલ્પિક વ્યવસ્થા તૈયાર, મંત્રી કુંવરજી બાવળિયાની ખાતરી
- સ્થાનિક સ્વરાજની ચૂંટણીમાં ભાજપના આકરા નિયમો, ૩ ટર્મથી ચૂંટણી લડતા નેતાઓને 'નો ટિકિટ'
- Char Dham Yatra 2026 - ચાર ધામ યાત્રા માટે ઉચ્ચ તકનીકી સુરક્ષા, 1,600 સીસીટીવી કેમેરા દરેક ગતિવિધિ પર નજર રાખશે.
ગુજરાતમાં ભરઉનાળે આવેલા કમોસમી વરસાદ અને વાવાઝોડાએ ખેડૂતોની ચિંતા વધારી
Unseasonal rain
ગુજરાત રાજ્યમાં ભરઉનાળે આવેલા કમોસમી વરસાદ અને વાવાઝોડાએ ખેડૂતો અને સામાન્ય નાગરિકોની ચિંતામાં મોટો વધારો કર્યો છે. સુરેન્દ્રનગર, બનાસકાંઠા, ડીસા, વાવ, થરાદ અને સાબરકાંઠા સહિતના વિસ્તારોમાં ભારે પવન અને વરસાદના કારણે વ્યાપક નુકસાન નોંધાયું છે. કુદરતના આ અચાનક બદલાયેલા મિજાજથી રાજ્યભરમાં ભય અને નુકસાનીનો માહોલ જોવા મળી રહ્યો છે.
લખતરમાં વાવાઝોડા અને પવનનો કહેર
હવામાન વિભાગની આગાહી મુજબ વહેલી સવારે લખતર તાલુકામાં ભારે પવન અને વીજળી સાથે વાવાઝોડું ફૂંકાયું હતું. જેના કારણે અનેક વૃક્ષો ધરાશાયી થયા હતા અને દુકાનો, ઘરો તેમજ હાઇવે પર આવેલી પ્રાઇવેટ ઓફિસો અને હોટલોના પતરા ઉડી ગયા હતા. સદનસીબે, આ ભારે પવન અને મિલકતોના નુકસાન વચ્ચે કોઈપણ જાનહાનિ ન નોંધાતા તંત્ર અને લોકોએ મોટી રાહત અનુભવી છે.
ડીસા માર્કેટ યાર્ડમાં વેપારીઓને મોટું નુકસાન
બનાસકાંઠામાં ભારે પવન સાથે પડેલા કમોસમી વરસાદને કારણે ડીસા માર્કેટિંગ યાર્ડમાં પણ વેપારીઓને મોટો આર્થિક ફટકો પડ્યો છે. APMC દ્વારા અગાઉથી અપાયેલી સૂચના છતાં ખુલ્લામાં રખાયેલી બાજરી અને રાયડાની હજારો બોરીઓ વરસાદના પાણીમાં પલળી ગઈ હતી. આ બેદરકારી અને કુદરતી પ્રકોપના કારણે વેપારીઓમાં ભારે ચિંતા અને નારાજગી જોવા મળી રહી છે.
વાવ, થરાદ અને લાખણીમાં પાક બરબાદ
વાવ અને થરાદ તાલુકામાં અચાનક ત્રાટકેલા કમોસમી વરસાદે ખેતરોમાં ઉભેલા વરિયાળી, ઇસબગુલ, દિવેલા અને તમાકુ જેવા રોકડિયા પાકને ભારે નુકસાન પહોંચાડ્યું છે. ખેડૂતોને લાખો રૂપિયાનું આર્થિક નુકસાન થતાં તેમની મહિનાઓની મહેનત પર પાણી ફરી વળ્યું છે. ખેડૂતોની આ ગંભીર પરિસ્થિતિને ધ્યાનમાં રાખીને, કિસાન સંઘ દ્વારા સરકાર પાસે તાત્કાલિક ધોરણે યોગ્ય વળતરની માંગણી કરવામાં આવી છે.
કાંકરેજમાં ખેતી અને મકાનોને નુકસાન
કાંકરેજ તાલુકામાં પણ અચાનક આવેલા ભારે પવન સાથેના વરસાદે ખેડૂતોને "પડ્યા પર પાટું" મારવા જેવી સ્થિતિ સર્જી છે. ખેતરમાં તમાકુ, ઘઉં અને એરંડાના પાક ઉપરાંત બાગાયતી ખેતીમાં કાચી કેરીઓ ખરી પડતાં મોટું નુકસાન થયું છે. આ ઉપરાંત આકોલી અને કુંવારવા જેવા ગામોમાં મકાનોના છાપરા ઉડી જવાના અને કેટલીક જગ્યાએ લગ્નમંડપ તૂટી પડવાના બનાવો પણ સામે આવ્યા છે.
સોલર પ્લાન્ટને નુકસાન અને સાબરકાંઠામાં ચિંતા
વાવ-થરાદ અને સુઇગામ વિસ્તારમાં તોફાની પવનના કારણે સોલર પ્લાન્ટ પ્રોજેક્ટ્સને પણ વ્યાપક નુકસાન પહોંચ્યું છે, જ્યાં અનેક સોલર પ્લેટો ઉડીને તૂટી ગઈ હતી. બીજી તરફ, સાબરકાંઠા જિલ્લામાં વહેલી સવારથી જ હવામાનમાં પલટો આવ્યો છે અને ભારે પવન ફૂંકાઈ રહ્યો છે, જેથી ચણા, ઘઉં અને શાકભાજીના પાકને નુકસાન થવાની ભીતિથી ખેડૂતો ભારે ચિંતામાં મુકાયા છે.
