સંબંધિત સમાચાર
- વિશ્વ યોગ દિવસ પર ગુજરાત રચશે ઇતિહાસ: 1.25 કરોડથી વધુ નાગરિકો એકસાથે કરશે યોગાભ્યાસ
- International Yoga Day- આંતરરાષ્ટ્રીય યોગ દિવસ નિબંધ
- ગુજરાત સરકારની નવી EV નીતિ: ગ્રાહકોને મળશે ડબલ સબસિડી, RTO ટેક્સ થશે ઝીરો
- RE-NEET પર તંત્રની કડક નજર: અમદાવાદના 23 સેન્ટરો પર 10 હજારથી વધુ વિદ્યાર્થીઓ આપશે પરીક્ષા
- ગુજરાત સરકારનો મહત્વનો નિર્ણય: ખેડૂતો માટે વીજળીના કલાકો 8 થી વધારીને 10 કરાયા
World Yoga Day 2026: અમદાવાદ રિવરફ્રન્ટ પર વિશ્વ યોગ દિવસની ભવ્ય ઉજવણી, ભાજપ પ્રદેશ પ્રમુખ જગદીશભાઈ વિશ્વકર્મા રહ્યા ઉપસ્થિત
આંતરરાષ્ટ્રીય યોગ દિવસ 2026ની ઉજવણી નિમિત્તે અમદાવાદના રિવરફ્રન્ટ ખાતે ભવ્ય યોગ કાર્યક્રમનું આયોજન કરવામાં આવ્યું હતું. વહેલી સવારથી જ મોટી સંખ્યામાં યોગપ્રેમીઓ, વિદ્યાર્થીઓ, સામાજિક આગેવાનો અને વિવિધ સંસ્થાઓના પ્રતિનિધિઓ કાર્યક્રમમાં જોડાયા હતા.
આ પ્રસંગે ગુજરાત ભાજપ પ્રદેશ પ્રમુખ જગદીશભાઈ વિશ્વકર્મા વિશેષ ઉપસ્થિત રહ્યા હતા. તેમણે યોગના શારીરિક, માનસિક અને આધ્યાત્મિક લાભો અંગે લોકોને માહિતગાર કર્યા હતા અને રોજિંદા જીવનમાં યોગને સ્થાન આપવાની અપીલ કરી હતી.
કાર્યક્રમ દરમિયાન યોગ નિષ્ણાતોના માર્ગદર્શન હેઠળ વિવિધ યોગાસનો અને પ્રાણાયામનું સામૂહિક પ્રદર્શન કરવામાં આવ્યું હતું. ઉપસ્થિત લોકોએ ઉત્સાહપૂર્વક યોગાભ્યાસ કરીને સ્વસ્થ જીવનશૈલી અપનાવવાનો સંકલ્પ વ્યક્ત કર્યો હતો.
અમદાવાદ રિવરફ્રન્ટ ખાતે યોજાયેલા આ કાર્યક્રમમાં હજારો લોકો જોડાતા સમગ્ર વાતાવરણ યોગમય બની ગયું હતું. વિશ્વ યોગ દિવસની ઉજવણી દ્વારા આરોગ્ય, તંદુરસ્તી અને માનસિક શાંતિનો સંદેશ જનજન સુધી પહોંચાડવાનો પ્રયાસ કરવામાં આવ્યો હતો.
