બુધવાર, 28 ફેબ્રુઆરી 2024
  1. ગુજરાતી ન્યુઝ
  2. રમત
  3. રમત સમાચાર
Written By
Last Modified: શનિવાર, 12 ઑગસ્ટ 2023 (09:14 IST)

Hockey Champions Trophy - ભારતીય હોકી ટીમની નજર ચોથા ખિતાબ પર, ફાઇનલમાં મજબૂત મલેશિયાનો પડકાર

India vs Malaysia Asian Hockey Champions
India vs Malaysia Asian Hockey Champions
Hockey Champions Trophy - ચેન્નઈમાં રમાઈ રહેલી એશિયન ચેમ્પિયન્સ ટ્રોફીમાં ભારતીય પુરૂષ હોકી ટીમે પોતાનો મજબૂત દેખાવ જારી રાખ્યો છે. શુક્રવારે રમાયેલી સેમીફાઈનલ મેચમાં જાપાનને 5-0થી હરાવીને ટીમ ઈન્ડિયાએ ફાઇનલમાં પ્રવેશ કરી લીધો છે. પ્રથમ સેમિફાઇનલમાં મલેશિયાએ ડિફેન્ડિંગ ચેમ્પિયન દક્ષિણ કોરિયાને 6-2થી હરાવી ફાઇનલમાં જગ્યા બનાવી હતી. હવે 12 ઓગસ્ટને શનિવારે મેયર રાધાકૃષ્ણન સ્ટેડિયમમાં ભારત અને મલેશિયા વચ્ચે જોરદાર જંગ ખેલાશે. બંને ટીમો અગાઉ ટૂર્નામેન્ટના લીગ તબક્કામાં ટકરાયા હતા જ્યાં મેન ઇન બ્લુએ 5-0થી જીત મેળવી હતી.
 
ભારતનું પલડું ભારે  
ટીમ ઈન્ડિયા આ ટૂર્નામેન્ટમાં અત્યાર સુધી એક પણ મેચ હારી નથી. લીગ રાઉન્ડમાં પાંચ મેચમાં ચાર જીત અને એક ડ્રો સાથે, ટીમ 13 પોઈન્ટ સાથે પોઈન્ટ ટેબલમાં ટોચ પર છે. આ સિવાય મલેશિયા બીજા સ્થાને રહ્યું હતું, તેને ભારત સિવાય અન્ય કોઈ ટીમે હાર આપી નથી. હવે ફાઇનલમાં ગાઢ મુકાબલાની અપેક્ષા છે. આ ટૂર્નામેન્ટના ઈતિહાસમાં બંને ટીમો વચ્ચે આ 35મી મુલાકાત હશે. આ પહેલા ભારતે 23 મેચ જીતી છે, મલેશિયાએ 7 મેચ જીતી છે. અને ચાર મેચ ડ્રોમાં સમાપ્ત થઈ છે.

ટીમ ઈન્ડિયાની નજર ચોથા ટાઈટલ પર છે
તમને જણાવી દઈએ કે ટીમ ઈન્ડિયાની નજર ચોથા ટાઈટલ પર રહેશે. આ પહેલા ભારતીય હોકી ટીમ ત્રણ વખત એશિયન ચેમ્પિયન્સ ટ્રોફી જીતી ચૂકી છે. મેન ઇન બ્લુ 2011, 2016 અને 2018માં ચેમ્પિયન બન્યા હતા. હવે ટીમ ચોથી વખત આ ખિતાબ જીતવાની ખૂબ નજીક છે. 2021માં અગાઉની આવૃત્તિમાં ટીમનું પ્રદર્શન કંઈ ખાસ નહોતું.  પરંતુ આ વખતે હરમનપ્રીત સિંહના નેતૃત્વમાં ટીમ અલગ જ જોશમાં જોવા મળી રહી છે. બીજી તરફ, મલેશિયા એક પણ વખત આ ખિતાબ જીતી શક્યું નથી. હવે જોવાનું એ રહેશે કે શું ફરી એકવાર ટીમ ઈન્ડિયા મલેશિયાને ધૂળ ચટાડીને ચેમ્પિયન બને છે જે પછી મલેશિયાની ટીમ આ ચેમ્પિયનશિપના ઈતિહાસમાં પોતાનું ખાતું ખોલશે.