IND vs AFG T20 World Cup 2021: - T20 વર્લ્ડ કપમાં ભારતનું કમબેક, અફઘાનિસ્તાને 66 રને હરાવ્યુ
ICC મેન્સ T20 વર્લ્ડ કપની 33મી મેચ આજે ભારત અને અફઘાનિસ્તાન વચ્ચે રમાઈ હતી. અબુધાબીના શેખ જાયદ સ્ટેડિયમમાં રમાયેલી મેચમાં ટીમ ઈન્ડિયાએ અફઘાનિસ્તાનને 66 રનથી હરાવ્યું હતું. અફઘાનિસ્તાન તરફથી કરીમ જનાતે અણનમ 42 અને મોહમ્મદ નબીએ 35 રન બનાવ્યા હતા. ટીમ ઈન્ડિયા તરફથી મોહમ્મદ શમીએ 3 અને અશ્વિને 2 વિકેટ લીધી હતી. આ પહેલા પ્રથમ બેટિંગ કરતા ટીમ ઈન્ડિયાએ નિર્ધારિત 20 ઓવરમાં 2 વિકેટ ગુમાવીને 210 રન બનાવ્યા હતા. ભારત તરફથી રોહિત શર્માએ 74 અને કેએલ રાહુલે 69 રન બનાવ્યા હતા. અફઘાનિસ્તાન તરફથી ગુલબદ્દીન નાયબ અને કરીમ જનાતે એક-એક વિકેટ લીધી હતી. આ T20 વર્લ્ડ કપનો સર્વોચ્ચ સ્કોર છે. આ પહેલા અફઘાનિસ્તાનના કેપ્ટન મોહમ્મદ નબીએ ટોસ જીતીને પ્રથમ બોલિંગ કરવાનો નિર્ણય કર્યો હતો.
