ગુજરાતને આકર્ષક પર્યટન સ્થળ બનાવનાર આંતરાષ્ટ્રીય પતંગ ઉત્સવની તૈયારીઓ શરૂ
આંતરરાષ્ટ્રીય પતંગ ઉત્સવની તૈયારીઓ શરૂ થઈ ચુકી છે. સાતમી જાન્યુઆરીથી દેશના 10 સ્થળોએ ઉત્સવની શરૂઆત થશે. અમદાવાદમાં આ ઉત્સવ 13મી જાન્યુઆરીથી સાબરમતી રિવરફ્રંટ ખાતેથી શરૂ થશે. ઉત્સવમાં 40 દેશોના આંતરરાષ્ટ્રીય સ્તરે ખ્યાતિ ધરાવતા 100થી વધુ પતંગરસિયાઓ ભાગ લેશે. આ વર્ષે મહોત્સવ મુંબઈ, વડોદરા, દિલ્હી અને અમદાવાદ જેવા વિવિધ શહેરોમાં યોજાવવાનો છે. આ શહેરોમાંથી ઘણા બધા શહેરો જેવા કે મોઢેરા, ધોરડો(સફેદ રણ) સાપુતારા અને સોમનાથ વગેરેમાં આ મહોત્સવ પ્રથમવાર યોજાય રહ્યો છે. અમદાવાદમાં આ મહોત્સવ 13મી જાન્યુઆરીથી સાબરમતી રિવરફ્રંટ ખાતે શરૂ થશે અને તે પ્રસંગે ગુજરાતના મહામહિમ રાજ્યપાલ ડો. કમલા બેનિવાલ અને માનનીય મુખ્યમંત્રી નરેન્દ્ર મોદી ઉપસ્થિત રહેશે.