પાકિસ્તાનની હાર: કપ્તાને બેટિંગ પર ફોડ્યું ઠીકરું, કહ્યું- 'અનુભવહીન બેટ્સમેનોને લીધે મેચ ગુમાવી'

Pakistan Cricket Team

પાકિતાનની ટીમનુ સ્તર સતત લથડતુ જઈ રહ્યુ છે. જેમા ઈગ્લેંડ વિરુદ્ધ ત્રણ મેચોની ટેસ્ટ સીરિઝના પહેલા મુકાબલામાં ફક્ત ત્રણ દિવસની અંદર જ તેમનો દાવ અને 103 રનથી હારનો સામનો કરવો પડ્યો. આ ટેસ્ટ મેચમાં પાકિસ્તાની ટીમ પોતાના બંને દાવમા 200 રનનો આંકડો પણ પાર કરવામાં સફળ થઈ શકી નહી અને તેમની તરફથી ફક્ત એક ફિફ્ટી જોવા મળ્યા. આ હારને કારણે જ્યા પાકિસ્તાન હવે વર્લ્ડ ટેસ્ત ચેમ્પિયનશિપ 2026-27 ના પોઈંટ્સ ટેબલમાં અંતિમ પગથિયે પહોચી ગઈ છે તો બીજી બાજુ હેંડિગ્લે ટેસ્ટમાં મળેલી હારના મુકાબલામાં બાબર આઝમના સ્થાને કપ્તાની કરી રહેલા સલમાન અલી આગાએ ખરાબ બેટિંગને મોટુ કારણ બતાવ્યુ છે.  

અમારી બેટિંગ અનુભવહિન હતી 

હેડિંગ્લી ટેસ્ટમાં હાર બાદ એક બ્રોડકાસ્ટર સાથે વાત કરતા સલમાન અલી આગાએ કહ્યું, "એ કહેવું વાજબી છે કે ઇંગ્લેન્ડે અમને ખરાબ રીતે હરાવ્યા. અમે આ મેચમાં ઘણી ભૂલો કરી, પછી ભલે તે બેટિંગ હોય કે બોલિંગ. અમે ઇંગ્લેન્ડ જેવું સાતત્ય જાળવી શક્યા નહીં. હા, અમે સ્વીકારીએ છીએ કે અમારી બેટિંગ ખૂબ જ બિનઅનુભવી હતી, પરંતુ મને લાગે છે કે જ્યારે અમે બોલિંગ કરવા ગયા ત્યારે બોલ ખૂબ સ્વિંગ થઈ રહ્યો હતો. તેથી મને નથી લાગતું કે પરિસ્થિતિઓએ આટલો મોટો ફરક પાડ્યો. અમારી પાસે એવા બોલરો છે જે 140 માઇલ પ્રતિ કલાકની ઝડપે બોલિંગ કરી શકે છે. જો કે, આ મેચમાં રમી રહેલા ત્રણેય બોલરોએ વેસ્ટ ઇન્ડીઝમાં સારું પ્રદર્શન કર્યું અને આ પરિસ્થિતિઓ માટે યોગ્ય છે, પરંતુ તેઓ પરિસ્થિતિઓનો લાભ લઈ શક્યા નહીં. આ હોવા છતાં, અમે માનીએ છીએ કે તેઓ અહીં કોઈપણ ટીમને આઉટ કરી શકે છે."

બાબરના કમબેકથી બેટિંગમાં મળશે મજબૂતી  

હેડિંગ્લી ટેસ્ટમાં હાર બાદ, પાકિસ્તાનના કેપ્ટન સલમાન આગાએ વધુમાં કહ્યું, "મને લાગે છે કે જ્યારે ઇંગ્લેન્ડમાં રમવાની વાત આવે છે, ત્યારે તમારે સતત પ્રદર્શન કરવું પડશે. તમારે ખાતરી કરવી પડશે કે તમે બોલ મોડો રમો છો અને દરેક ડિલિવરી માટે તૈયાર રહો છો, કારણ કે એશિયન પરિસ્થિતિઓમાંથી આવ્યા પછી અહીં રમવું ખૂબ મુશ્કેલ છે. અમે બેસીને આ અંગે ચર્ચા કરીશું, અને લંડનમાં આગામી મેચમાં બાબર આઝમની વાપસી ચોક્કસપણે અમારી બેટિંગને મજબૂત બનાવશે."