બજારમાં મળી રહ્યુ છે સાવરણીમાંથી બનાવેલ નકલી જીરુ, કેવી રીતે કરશો અસલી-નકલી જીરાની ઓળખ, 3 વાતોનુ જરૂર રાખો ધ્યાન
Original vs Fake Cumin: મસાલાની યાદીમાં જીરાનું નામ પણ સામેલ છે. રસોઈ બનાવતી વખતે જીરાનો ઉપયોગ એકદમ સામાન્ય છે. ખાવામાં સ્વાદ ઉમેરવા ઉપરાંત જીરું સ્વાસ્થ્ય માટે પણ ખૂબ ફાયદાકારક છે. જો કે આજકાલ નકલી જીરું બજારમાં મળે છે. આવી સ્થિતિમાં, જીરું ખરીદતી વખતે, તમે કેટલીક બાબતોને ધ્યાનમાં રાખીને અસલી અને નકલી જીરા ની ઓળખ કરી શકો છો.
જીરા માં એન્ટી-ઓક્સિડન્ટ્સ, ફાઈબર, આયર્ન, કોપર, પોટેશિયમ, મેંગેનીઝ, કેલ્શિયમ, ઝિંક, મેગ્નેશિયમ અને વિટામિન્સ ભરપૂર માત્રામાં જોવા મળે છે. સાથે જ જીરાનું સેવન પાચનતંત્રને સ્વસ્થ રાખવામાં પણ મદદરૂપ છે. પરંતુ નકલી જીરું ખાવાથી સ્વાસ્થ્યને અનેક નુકસાન પણ થઈ શકે છે. તો ચાલો જાણીએ નકલી જીરું ઓળખવાની રીત અને તેને ખાવાના કેટલાક નુકશાન વિશે.
નકલી જીરું શું છે અને કેવી રીતે બને છે ?
નકલી જીરું ઘાસના ફૂલોમાંથી બનાવવામાં આવે છે. તમને જણાવી દઈએ કે નદીઓના કિનારે એક પ્રકારનું ઘાસ ઉગે છે, જેમાંથી ફૂલોની સાવરણી બનાવવામાં આવે છે. આવી સ્થિતિમાં કેટલાક લોકો આ ઘાસને પાણીમાં ઉકાળીને ગોળની ચાસણીમાં પકાવી લે છે. આ પછી ઘાસને સૂકવવા માટે મુકવામાં આવે છે. સૂકાયા બાદ ઘાસનો રંગ જીરા જેવો દેખાવા લાગે છે. ત્યાર બાદ તેમાં સ્ટોન અથવા સ્લરી પાવડર મિક્સ કરીને ફિલ્ટર કરવામાં આવે છે. આવી સ્થિતિમાં, આ ઘાસ બિલકુલ અસલી જીરા જેવું લાગે છે.
નકલી જીરું ખાવાના નુકશાન
- સાચા જીરાનું સેવન પેટ માટે ખૂબ જ ફાયદાકારક છે. તો બીજી બાજુ નકલી જીરું ખાવાથી તમને પેટ સંબંધિત ઘણી સમસ્યાઓનો સામનો કરવો પડી શકે છે.
- નકલી જીરું ખાવાથી લોકોને પેટમાં દુખાવો અને પેટમાં પથરીની સમસ્યા થઈ શકે છે.
- આ ઉપરાંત તમને ત્વચા સ્કિન ઈફેક્શનત થવાનો ભય પણ રહે છે.
- નકલી જીરું ખાવાથી શરીરની રોગપ્રતિકારક શક્તિ પણ ઓછી થાય છે.
નકલી જીરાની ઓળખવાની રીત
અસલી અને નકલી જીરાની ઓળખ કરવા માટે તમે પાણીનો ઉપયોગ કરી શકો છો. આ માટે કે વાડકીમાં પાણી લો. હવે તેમા જીરાના કેટલાક દાણા નાખી દો. આવામાં નકલી જીરુ થોડી જ વારમાં રંગ છોડવા માંડશે. સાથે જ નકલી જીરુ પાણીના સંપર્કમાં આવતા જ તૂટવા પણ માંડે છે. આ ઉપરાંત જીરાને સૂંઘવાથી સુગંધ ન આવે તો સમજી જાવ કે જીરુ નકલી છે.
