પિકનિક માટે અદ્દભૂત સ્થળ છે દીવ

દીવ જાઓ તો પાણી કોઠા અને દીવનો કિલ્લો જોવાનું ભૂલતા નહીં. પાણી કોઠા સમુદ્રની વચ્ચે બનેલો એક નાનકડો કિલ્લો છે. અહીં જવા માટે ટુરિસ્ટ બોટ ઉપલબ્ધ છે અને રાતના સમયે તેના પર દેખાતી સ્પેશિયલ લાઇટ ઇફેક્ટ્સ તમને મંત્રમુગ્ધ કરી મૂકશે. તો વળી દીવના કિલ્લા પરથી બીજી તરફનો સમુદ્રનો નજારો અત્યંત આકર્ષક લાગે છે. દીવના આ વિશાળ અને ભવ્ય કિલ્લાનું નિર્માણ 1535થી 1541 વચ્ચે કરવામાં આવ્યું હતું. તેની છત પર સજેલી તોપો એ વાતનો પુરાવો છે કે તેની સુરક્ષા વ્યવસ્થા એકદમ ચૂસ્ત હતી.

આ સિવાય તમે અહીં સેન્ટ પૉલ ચર્ચ, સેન્ટ થોમસ ચર્ચ મ્યુઝિયમ, રુખડા વૃક્ષ, હોકા પામ વગેરે જોઇ શકો છો.

જણાવી દઇએ કે ગુજરાત અને મહારાષ્ટ્ર સાથે દીવ સડક માર્ગે જોડાયેલું છે. અમદાવાદથી તે લગભગ 500 કિલોમીટરના અંતરે અને મહારાષ્ટ્રથી 1000 કિલોમીટરના અંતરે છે. દીવમાં કોઇ રેલ્વે લિંક નથી. નજીકનું રેલ્વે સ્ટેશન વેરાવળ(90 કિલોમીટર) છે. નાગોઆમાં એરપોર્ટ છે. અહીંની એરલિંક મુંબઈ સાથે છે.

રોકાવા માટે અહીં ટુરિઝમ ડિપાર્ટમેન્ટ તરફથી અનેક કોમ્પ્લેક્સ બનેલા છે તેમજ ફાઇવ સ્ટાર હોટેલ્સથી લઇને બજેટ હોટેલ્સ પણ અહીં ઉપલબ્ધ છે.