Mahakumbh 2025: નાગા સાધુઓ કરે છે આ 17 શણગાર, ત્યારબાદ જ શાહી સ્નાન માટે વધે છે આગળ
Kumbh Mela 2025: મહાકુંભનો ભવ્ય કાર્યક્રમ આ વર્ષે પ્રયાગરાજમાં યોજાવવા જઈ રહ્યું છે. કુંભ મેળામાં નાગા સાધુઓ આકર્ષણનું કેન્દ્ર હોય છે, તેમની લાઈફસ્ટાઈલ અને પહેરવેશ લોકો માટે આશ્ચર્યજનક હોય છે. દુનિયાથી વિરક્ત નાગા સાધુઓ મોટી સંખ્યામાં મહાકુંભ મેળામાં ભાગ લે છે. તેમણે સાંસારિક આસક્તિના બંધન તોડી નાખ્યા છે, પરંતુ તેઓ હજુ પણ પોતાના શણગારનું સંપૂર્ણ ધ્યાન રાખે છે. શાહી સ્નાનમાં ભાગ લેતા પહેલા, નાગા સાધુઓ 17 શણગાર કરે છે. આજે અમે અમારા લેખમાં આ વિષય પર માહિતી આપવા જઈ રહ્યા છીએ. ચાલો જાણીએ નાગા સાધુઓના આ 17 શણગાર વિશે.
નાગા સાધુ શાહી સ્નાન કરતા પહેલાં કરે છે શ્રુંગાર
મહાકુંભ દરમિયાન, નાગા સાધુઓ પહેલા શાહી સ્નાન કરે છે. નાગા સાધુઓની ધર્મ પ્રત્યેની ભક્તિને ધ્યાનમાં રાખીને, નાગા અખાડાઓને આદરપૂર્વક પ્રથમ સ્નાન કરવાની પરવાનગી આપવામાં આવે છે. નાગા સાધુઓ પણ શાહી સ્નાન માટે ભવ્ય તૈયારીઓ કરે છે. એવું માનવામાં આવે છે કે નાગા સાધુઓ શાહી સ્નાન પહેલાં 17 શણગાર કરે છે અને તે પછી જ પવિત્ર સ્નાન કરે છે. ચાલો જાણીએ નાગાઓના આ સત્તર શ્રુંગાર વિશે.
નાગા સાધુઓના 17 શણગાર
રાખ
લંગોટ
ચંદન
પગ પર બંગડી (ચાંદી કે લોખંડની)
પંચકેશ
અંગૂઠી
ફૂલોની માળા (કમર ફરતે બાંધવા માટે)
હાથમાં ચીમટો
કપાળ પર ચંદનની પેસ્ટ
ડમરુ
કમંડલ
ગુંથેલી જટા
તિલક
કાજળ
હાથનું કડું
વિભૂતિનો પેસ્ટ
રુદ્રાક્ષ
નાગા સાધુઓ માટે મહાકુંભ મેળો ખૂબ જ મહત્વ ધરાવે છે. તેથી, આ સમય દરમિયાન, નાગા સાધુઓ, સત્તર શણગાર કર્યા પછી, પવિત્ર નદીમાં ડૂબકી લગાવે છે. મહાકુંભ દરમિયાન, નાગા સાધુઓની દીક્ષા પણ ૧૨ વર્ષની કઠોર તપસ્યા પછી પૂર્ણ થાય છે. નાગા સાધુઓ મહાકુંભમાં ત્યારે જ ડૂબકી લગાવે છે જ્યારે તેમની સાધના પૂર્ણ થાય છે અને તેઓ શુદ્ધ થાય છે. તેનાથી વિપરીત, સામાન્ય લોકો ગંગામાં ડૂબકી લગાવ્યા પછી શુદ્ધ બને છે.
મહા કુંભ ૨૦૨૫
મહાકુંભ મેળો 2025 માં 13 જાન્યુઆરીથી શરૂ થશે. જોકે, પહેલું શાહી સ્નાન ૧૪ જાન્યુઆરીએ મકરસંક્રાંતિના દિવસે કરવામાં આવશે. આ દિવસે, નાગા સાધુઓ પહેલા પવિત્ર સંગમમાં ડૂબકી લગાવશે. આ પછી જ સામાન્ય લોકો આગળ વધશે. મહાકુંભનો આ પવિત્ર તહેવાર લગભગ 44 દિવસ સુધી ચાલશે. છેલ્લું સ્નાન 26 ફેબ્રુઆરીએ મહાશિવરાત્રીના દિવસે કરવામાં આવશે. સૂત્રોના જણાવ્યા અનુસાર, 2025માં મહાકુંભ દરમિયાન 35 થી 40 કરોડ ભક્તો પ્રયાગરાજમાં ડૂબકી લગાવશે.
