પાક પસંદગીકારો બોર્ડથી નાખુશ

ટ્વેંટી-20 વિશ્વ કપ જીતનારી પાકિસ્તાની ટીમની પસંદગી કરનારા રાષ્ટ્રીય પસંદગીકારો ટીમની સિદ્ધિ બાદ યોજાનારા સમારોહમાં તેમને પૂરી રીતે નજરઅંદાજ કરવાના કારણે બોર્ડથી નારાજ છે.

પસંદગી સમિતિના ભૂતપૂર્વ અધ્યક્ષ અબ્દુલ કાદિરે જો કે રાજીનામું આપી દીધું છે પરંતુ પીસીબીએ હાલ સલીમ જાફર અને શોએબ મોહમ્મદની સ્થિતિ સ્પષ્ટ કરી નથી. આ ત્રણેય પસંદગીકારોએ ટ્વેંટી-20 વિશ્વ કપ ટીમની પસંદગી કરી હતી.

બોર્ડે શ્રીલંકાના પ્રવાસની ટીમની પસંદગી માટે ભૂતપૂર્વ કપ્તાન વસીમ બારીના નેતૃત્વમાં અંતરિમ પસંદગી સમિતિની રચના કરી.

એક પસંદગીકારે જણાવ્યું કે ''કોઈએ પણ અમને સમારોહમાં બોલાવાનું ઉચિત ન સમજ્યું જ્યારે અમારુ યોગદાન સાફ નજરે ચડે છે કારણ કે વિજેતા ટીમની પસંદગી અમે કરી હતી.''