ગુજરાતના આ વિસ્તારોમાં આગામી 36 કલાકમાં ભારે વરસાદની આગાહી

Publish: Mon, 29 Jul 2019 (13:13 IST) Updated: Mon, 29 Jul 2019 (13:15 IST)

હવામાન વિભાગ દ્વારા ગુજરાતમાં આગામી 24 કલાકમાં સારા વરસાદની આગાહી કરવામાં આવી છે.

કચ્છ, ઉત્તર ગુજરાત અને સૌરાષ્ટ્રના કેટલાક જિલ્લાઓને બાદ કરતાં ગુજરાતના અન્ય વિસ્તારમાં હળવો વરસાદ નોંધાયો છે.

સ્કાયમૅટ વેધર પ્રમાણે આગામી 36 કલાકમાં ડીસા, પાટણ, સુરેન્દ્રનગર, નવસારી, ડાંગ, સુરત, ભુજ, નલિયા, વડોદરા સહિતના જિલ્લાઓમાં સારા વરસાદની શક્યતા છે.

જોકે, ગુજરાતમા 27 જુલાઈ સુધીમાં વરસાદની 29 ટકા જેટલી ઘટ નોંધાઈ છે, જ્યારે સૌરાષ્ટ્ર અને કચ્છમાં વરસાદની 55 ટકા ઘટ છે.

સ્કાયમૅટ વેધર દ્વારા એવી પણ આગાહી કરવામાં આવી છે કે ગુજરાતના પૂર્વ ભાગમાં 30 જુલાઈ બાદ વરસાદમાં વધારો નોંધાઈ શકે છે.