શુક્રવાર, 29 માર્ચ 2024
  1. સમાચાર જગત
  2. ક્રિકેટ
  3. ક્રિકેટ સમાચાર
Written By
Last Modified: રવિવાર, 19 ફેબ્રુઆરી 2023 (15:09 IST)

INDvsAUS: દિલ્હી ટેસ્ટ મૅચના ત્રીજા દિવસે રવીન્દ્ર જાડેજાનો તરખાટ સાત વિકેટો ઝડપીને ઑસ્ટ્રેલિયાને 113 રનમાં સમેટી લીધું

દિલ્હીમાં રમાઈ રહેલી ભારત અને ઑસ્ટ્રેલિયા વિરુદ્ધની ટેસ્ટ મૅચના ત્રીજા દિવસે અપસેટ સર્જાયો છે. ઑસ્ટ્રેલિયા બીજી ઇનિંગમાં 113 રન બનાવીને ઓલઆઉટ થઈ ગયું છે.
 
મૅચ શરૂ થવાના પ્રથમ કલાકમાં જ ઑસ્ટ્રેલિયાની પાંચ વિકેટો પડી ગઈ હતી. ઑસ્ટ્રેલિયાની કુલ આઠ વિકેટોમાંથી રવિચંદ્રન અશ્વિનને ચાર અને રવીન્દ્ર જાડેજાને પાંચ વિકેટો મળી છે.
 
અત્યાર સુધીમાં ઑસ્ટ્રેલિયાની કુલ લીડ 112 થઈ ગઈ છે.
 
ભારતને આજે રમતની પહેલી ઓવરમાં જ ટ્રેવિસ હેડની વિકેટ મળી. અશ્વિને તેમને 43 રનના વ્યક્તિગત સ્કોરે વિકેટ કીપર એસ ભરતને કેચ કરાવીને આઉટ કર્યા.
 
અશ્વિને સ્ટીવન સ્મિથને નવ રનના વ્યક્તિગત સ્કોર પર એલબીડબ્લ્યૂ આઉટ કરીને બીજી વિકેટ ઝડપી.
 
ઑસ્ટ્રેલિયાને ચોથો આંચકો રવીન્દ્ર જાડેજાએ આપ્યો. તેમણે લબુશાનેને 35 રનના વ્યક્તિગત સ્કોર પર બોલ્ડ કર્યા.
 
ત્યારબાદ અશ્વિને પોતાની ઓવરના છેલ્લા બૉલે રેનશૉને આઉટ કર્યા અને ત્યારપછીની ઓવરમાં પહેલા અને બીજા બૉલે રવિન્દ્ર જાડેજાએ અનુક્રમે હૅન્ડ્સકૉમ્બ અને કમિન્સને આઉટ કરી દીધા હતા.
 
આ અગાઉ ભારતીય ટીમ શનિવારે પોતાની પહેલી ઇનિંગમાં 263 રનની સામે 262 રન કરીને ઓલઆઉટ થઈ ગઈ હતી. એ રીતે ઑસ્ટ્રેલિયાને પહેલી ઇનિંગમાં એક રનની લીડ મળી રહી.