શેફાલી વર્માએ બનાવ્યો વર્લ્ડ રેકોર્ડ, વર્લ્ડ કપ ઈતિહાસમાં આજ સુધી કોઈ પુરૂષ ક્રિકેટર પણ નથી કરી શક્યો આ કમાલ

21 વર્ષીય શેફાલી વર્મા હાલમાં હેડલાઇન્સમાં છે. મહિલા વર્લ્ડ કપ 2025 ફાઇનલમાં ભારતની જીતમાં તેણીએ મહત્વપૂર્ણ ભૂમિકા ભજવી હતી. આ એ જ શેફાલી વર્મા છે જેનો વર્લ્ડ કપ ટીમમાં પણ સમાવેશ કરવામાં આવ્યો ન હતો. જોકે, પ્રતિકા રાવલને બાંગ્લાદેશ સામે ઈજા થઈ હતી, અને શેફાલીને ટીમમાં સામેલ કરવામાં આવી હતી. ફાઇનલમાં શેફાલીએ ભારતીય મહિલા ટીમ માટે જે કર્યું તે હંમેશા યાદ રહેશે.

ઇનિંગની શરૂઆત કરતા, શેફાલી વર્માએ મહિલા વર્લ્ડ કપ 2025 ફાઇનલમાં દક્ષિણ આફ્રિકા સામે શાનદાર શરૂઆત કરી. તે  અને સ્મૃતિ મંધાનાએ 104 રનની ભાગીદારી કરી. જોકે, શેફાલી સદી ફટકારવામાં નિષ્ફળ રહી. તેને 78 બોલમાં 87 રન બનાવ્યા. તેની ઇનિંગમાં 7 ચોગ્ગા અને 2 છગ્ગાનો સમાવેશ થતો હતો. તેણીએ બોલિંગ કરતી વખતે 2 મહત્વપૂર્ણ વિકેટ પણ લીધી. તેના પ્રદર્શન માટે, તેને ફાઇનલમાં પ્લેયર ઓફ ધ મેચનો એવોર્ડ આપવામાં આવ્યો, જેણે વિશ્વ રેકોર્ડ બનાવ્યો.

શેફાલી વર્માએ બનાવ્યો વર્લ્ડ રેકોર્ડ 

શેફાલી વર્માએ મહિલા વર્લ્ડ કપ ફાઇનલમાં પ્લેયર ઓફ ધ મેચનો એવોર્ડ જીતીને વર્લ્ડ રેકોર્ડ બનાવ્યો છે. તે પુરુષ અને મહિલા વર્લ્ડ કપ બંનેના ઇતિહાસમાં ફાઇનલ કે સેમિફાઇનલમાં પ્લેયર ઓફ ધ મેચનો એવોર્ડ જીતનારી સૌથી નાની ઉંમરની ખેલાડી બની છે. તેણીએ 21 વર્ષ અને 279 દિવસની ઉંમરે આ સિદ્ધિ મેળવી હતી.

શેફાલી વર્માનું કરિયર  

શેફાલી વર્માએ ભારત માટે અત્યાર સુધીમાં પાંચ ટેસ્ટ, 31 વનડે અને 90 ટી20 મેચ રમી છે. તેણીએ ટેસ્ટમાં 567, વનડેમાં 741 અને ટી20માં 2,221 રન બનાવ્યા છે. શેફાલી મહિલા પ્રીમિયર લીગમાં દિલ્હી કેપિટલ્સ માટે રમે છે. તેણીએ ડબલ્યુપીએલમાં 27 મેચમાં 865 રન બનાવ્યા છે