સંબંધિત સમાચાર
- ગુજરાતમાં મોદી છે", ગોરખપુરના સાંસદ રવિ કિશને ચૂંટણી ગીત લોન્ચ કર્યું
- પ્રથમ તબક્કાની 89 બેઠકો પર 14 કેન્દ્રીય નેતાઓ 46 સભાઓ ગજવશે
- માણસાના ભાજપના ઉમેદવાર જયંતી પટેલ પાસે 652 કરોડની સંપત્તિ
- ચૂંટણીની ટ્રેનિંગ માટે હાજર ન રહેલા 39 સરકારી કર્મચારી સામે ધરપકડ વોરંટ ઈશ્યૂ
- નવસારી બેઠક પરથી રાજકોટ જેલનો કેદી અપક્ષમાંથી ચૂંટણી લડશે
સુરતમાં ભાજપના કાર્યકર્તાઓએ બુલડોઝર પર પ્રચાર શરૂ કર્યો
ગુજરાતમાં વિધાનસભાની ચૂંટણીના મતદાનને આડે હવે ગણતરીના દિવસો બાકી રહ્યાં છે. ઉમેદવારોના ફોર્મ પણ ભરાઈ ગયાં છે. ત્યારે ભાજપના સ્ટાર પ્રચારકો ગુજરાતમાં ઉતરી પડ્યાં છે. તેવામાં હવે ગુજરાત ચૂંટણીમાં પણ બુલડોઝરની એન્ટ્રી થઈ ચૂકી છે. યોગી આદિત્યનાથ ગુજરાત પ્રવાસે આવી રહ્યા છે ત્યારે બીજી બાજુ સુરતમાં ભાજપના કાર્યકર્તાઓએ બુલડોઝર પર પ્રચાર શરૂ કર્યો હતો. જેની તસવીરો વાઈરલ થતા જોવા જેવી થઈ હતી.
ગુજરાત વિધાનસભા ચૂંટણી માટે વિવિધ રાજકીય પક્ષોના કાર્યકર્તાઓ જોરશોરથી પ્રચાર કરવા લાગ્યા છે. ત્યારે હવે ડોર ટુ ડોર પ્રચાર શરૂ થયો છે ત્યારે સુરતમાં ભાજપના કાર્યકર્તાઓએ અનોખો સ્ટંટ કરીને પ્રચાર કર્યો હતો. ગત દિવસે સુરતની ચોર્યાસી બેઠક પરથી ભાજપના કાર્યકર્તાઓ બુલડોઝર પર ચઢીને પ્રચાર કરવા લાગ્યા હતા. આ દરમિયાન જાણે કોઈ સ્ટંટ ચાલતા હોય તેમ કાર્યકર્તાઓ બુલડોઝર પર ચઢી ગયા હતા.સુરતમાં બુલડોઝરના પાવડા પર 5થી વધુ કાર્યકર્તાઓ ચઢી ગયા હતા. તેમણે ત્યારપછી ભાજપનો ચૂંટણી પ્રચાર કરવાનું શરૂ કરી દીધો હતો. જોકે એક બાજુ યોગી આદિત્યનાથ ગુજરાત પ્રવાસે આવી રહ્યા છે ત્યારે બીજી બાજુ આ પ્રમાણે ગુજરાત ચૂંટણીમાં બુલડોઝરની એન્ટ્રી થતા જોવાજેવી થઈ હતી.
