ગુજરાત ચૂંટણીમાં રોબોટની એન્ટ્રી, ભાજપે અપનાવ્યો અનોખો પ્રચાર કેમ્પેન

ગુજરાતમાં ચૂંટણીનું બ્યુગલ વાગી ગયું છે. પ્રથમ તબક્કાના મતદાનને હવે માત્ર 13 દિવસ બાકી છે. આ ચૂંટણીમાં તમામ પક્ષોએ પોતાની પૂરી તાકાત લગાવી દીધી છે. ભારતીય જનતા પાર્ટી (BJP)એ આ ચૂંટણીમાં પોતાનો સંદેશ લોકો સુધી પહોંચાડવા માટે એક અનોખો પ્રયોગ કર્યો છે. આ વખતે ભાજપ ગુજરાતની ચૂંટણીમાં રોબોટ દ્વારા પ્રચાર કરી રહી છે.

ભાજપે ચૂંટણી પ્રચારમાં આવા રોબોટને મેદાનમાં ઉતાર્યા છે, જેમાં બીજેપી પાર્ટીના ગીતો પહેલેથી જ લગાવવામાં આવ્યા છે. આ ઉપરાંત આ રોબોટ લોકોને બીજેપીના પેમ્ફલેટ વહેંચી રહ્યો છે. પાર્ટીનું કહેવું છે કે તેઓ આ રોબોટનો ડોર ટુ ડોર પ્રચાર માટે પણ ઉપયોગ કરશે.

રોબોટ કેવી રીતે કરે છે કામ

આ રોબોટ બનાવનાર હર્ષિત પટેલનું કહેવું છે કે આ રોબોટમાં સ્પીકર પણ લાગેલા છે. આ રોબોટની મદદથી વિધાનસભા ચૂંટણીના કામમાં ઘણી મદદ મળશે. આ રોબોટમાં પાર્ટીના પ્રી-રેકોર્ડ કરેલા સ્લોગન પહેલેથી જ લગાવી દેવામાં આવ્યા છે, જે અમુક સમયના અંતરે વાગતા રહે છે. ભાજપના પ્રચાર પ્રસારની આ અનોખી રીતે સૌનું ધ્યાન ખેંચ્યું છે.

ત્રિકોણી થયો જંગ

ગુજરાત વિધાનસભાની ચૂંટણીમાં આ આમ આદમી પાર્ટીની એન્ટ્રીથી મામલો ત્રિકોણીય બની ગયો છે. આ વખતે ભાજપે તેના 30 ટકા વર્તમાન ધારાસભ્યોની ટિકિટ પણ કાપી નાખી છે.આ વખતે ગુજરાતમાં 182 વિધાનસભા બેઠકો સાથે બે તબક્કામાં મતદાન થશે. 89 વિધાનસભા બેઠકો પર પ્રથમ તબક્કાનું મતદાન 1 ડિસેમ્બરે થશે. બાકીના બીજા તબક્કાનું મતદાન 5 ડિસેમ્બરે થશે. આ ચૂંટણીના પરિણામ ત્રણ દિવસ પછી 8મી ડિસેમ્બરે આવશે. ભાજપે આ વખતે પણ ભૂપેન્દ્ર પટેલને પોતાના મુખ્યમંત્રી પદના ઉમેદવાર બનાવ્યા છે. આમ આદમી પાર્ટી તરફથી ઇસુદાન ગઢવીને મુખ્યમંત્રી પદના ઉમેદવાર બનાવવામાં આવ્યા છે.