Inflation rate : તહેવારો પહેલા ખાદ્ય ચીજવસ્તુઓ મોંઘી, સપ્ટેમ્બરમાં છૂટક મોંઘવારી 5.49 ટકા
Retail inflation : ખાદ્ય પદાર્થો મોંઘા થવાને કારણે સપ્ટેમ્બર મહિનામાં છૂટક ફુગાવો વધીને 5.49 ટકા થયો હતો. ગયા મહિને તે 3.65 ટકા હતો. સોમવારે જાહેર કરવામાં આવેલા સત્તાવાર આંકડામાં આ માહિતી આપવામાં આવી છે.
કન્ઝ્યુમર પ્રાઇસ ઇન્ડેક્સ પર આધારિત ફુગાવો ગયા વર્ષે સપ્ટેમ્બર મહિનામાં 5.02 ટકા હતો.
નેશનલ સ્ટેટિસ્ટિકલ ઑફિસ (NSO)ના ડેટા અનુસાર, ખાદ્ય ચીજવસ્તુઓમાં ફુગાવો સપ્ટેમ્બરમાં વધીને 9.24 ટકા થયો હતો, જે ગયા મહિને ઑગસ્ટમાં 5.66 ટકા હતો અને એક વર્ષ અગાઉના સમાન મહિનામાં 6.62 ટકા હતો.
રિઝર્વ બેંક ઓફ ઈન્ડિયા બે ટકાના તફાવત સાથે છૂટક ફુગાવો ચાર ટકા પર રાખવાની જવાબદારી ધરાવે છે. કેન્દ્રીય બેંકે ફુગાવાને લક્ષ્યાંકને અનુરૂપ લાવવાના ઉદ્દેશ્ય સાથે ગયા અઠવાડિયે રજૂ કરેલી નાણાકીય નીતિ સમીક્ષામાં મુખ્ય નીતિ દર રેપોમાં કોઈ ફેરફાર કર્યો ન હતો.
