Apple ના નવા COO સબીહ ખાન કોણ છે? આ રીતે તેમણે મુરાદાબાદથી સિલિકોન વેલી સુધીની મુસાફરી કરી
Apple's new COO Sabih Khan - એપલે 8 જુલાઈના રોજ સત્તાવાર રીતે જાહેરાત કરી હતી કે કંપનીએ સબીહ ખાનને તેના નવા ચીફ ઓપરેટિંગ ઓફિસર (COO) તરીકે નિયુક્ત કર્યા છે. તેઓ જેફ વિલિયમ્સનું સ્થાન લેશે, જે આ મહિનાના અંતમાં પોતાની જવાબદારીઓ છોડી દેશે. એપલના જણાવ્યા અનુસાર, સબીહ ખાન હાલમાં એપલના સિનિયર વાઇસ પ્રેસિડેન્ટ ઓફ ઓપરેશન્સ તરીકે સેવા આપી રહ્યા છે. હવે તેઓ કંપનીના સીઓઓ તરીકે નવી જવાબદારીઓ સંભાળશે.
સબીહ ખાન કોણ છે?
સબીહ ખાનનો જન્મ 1966 માં ઉત્તર પ્રદેશના મુરાદાબાદ શહેરમાં થયો હતો. તેમના શાળાના દિવસો દરમિયાન, તેમનો પરિવાર સિંગાપોર ગયો અને બાદમાં યુનાઇટેડ સ્ટેટ્સમાં સ્થાયી થયો. સબીહ ખાને પોતાના દમ પર ટેકનિકલ ક્ષેત્રમાં સફળતા મેળવી છે.
સાબીહ ખાને ટફ્ટ્સ યુનિવર્સિટીમાંથી અર્થશાસ્ત્ર અને મિકેનિકલ એન્જિનિયરિંગમાં ડબલ ગ્રેજ્યુએશન કર્યું. આ પછી, તેમણે રેન્સેલર પોલિટેકનિક ઇન્સ્ટિટ્યૂટ (RPI), ન્યૂ યોર્કમાંથી મિકેનિકલ એન્જિનિયરિંગમાં માસ્ટર ડિગ્રી મેળવી.
