બાંગ્લાદેશમાં વાયુસેનાનું વિમાન ક્રેશ થયું, ઘટનાનો ભયાનક વીડિયો સામે આવ્યો
આજે બપોરે લગભગ 1:30 વાગ્યે (ભારતીય સમય મુજબ બપોરે 1:00 વાગ્યે), બાંગ્લાદેશ વાયુસેનાનું F-7 ટ્રેનર વિમાન રાજધાની ઢાકાના ઉત્તરા વિસ્તારમાં ક્રેશ થયું. વિમાન માઇલસ્ટોન કોલેજના ઉત્તરા કેમ્પસ નજીક પડી ગયું અને અકસ્માત બાદ ધુમાડો નીકળવા લાગ્યો.
અકસ્માતની માહિતી મળતાં જ સેનાના જવાનો અને ફાયર સર્વિસ ટીમ તાત્કાલિક ઘટનાસ્થળે પહોંચી ગયા અને બચાવ કામગીરી શરૂ કરી દીધી. આ અકસ્માતનો સમય બપોરે 1:30 વાગ્યાનો હતો. વિમાન માઇલસ્ટોન કોલેજના કેમ્પસ નજીક દિયાબારી વિસ્તારમાં પડ્યું.
આ વિસ્તાર રાજધાની ઢાકાના ઉત્તરા વિસ્તારમાં આવે છે, જે ખૂબ જ વ્યસ્ત અને વસ્તી ધરાવતો વિસ્તાર છે. વિમાન પડી ગયા બાદ ત્યાં ધુમાડાના ગોટા ઉડતા જોવા મળ્યા હતા, જે સોશિયલ મીડિયા પર પણ જોવા મળ્યા હતા.
