ભીષણ આગ 1,200 એકર જમીનને ઘેરી લે છે, કેરોલિનામાં ડર
રવિવારે ઉત્તર અને દક્ષિણ કેરોલિનામાં જંગલમાં આગ ફાટી નીકળી હતી. ભારે પવન વચ્ચે આગ પર કાબૂ મેળવવા ટીમો સતત જહેમત ઉઠાવી રહી છે. નેશનલ વેધર સર્વિસે આગના વધતા જોખમને કારણે કેટલાક વિસ્તારોને ખાલી કરવાનો આદેશ આપ્યો છે. બીચના મોટાભાગના વિસ્તારોમાં ઈમરજન્સી શેલ્ટર બનાવવામાં આવ્યા છે. આગ બાદ રવિવારે ઈમરજન્સી જાહેર કરવામાં આવી હતી. આગનો એક વીડિયો સામે આવ્યો છે, જેને જોઈને અંદાજ લગાવી શકાય છે કે અહીં સ્થિતિ કેટલી ખરાબ છે.
1,200 એકર જમીન બળી ગઈ
અહેવાલો અનુસાર, રવિવારે સવારે 10 વાગ્યા સુધીમાં દક્ષિણ કેરોલિનામાં જંગલની આગમાં લગભગ 1,200 એકર જમીન બળી ગઈ હતી. નેશનલ વેધર સર્વિસે જ્યોર્જિયાથી ન્યુ જર્સી સુધી જંગલમાં આગની ચેતવણી પણ જારી કરી છે. બગડતી પરિસ્થિતિને જોતા, દક્ષિણ કેરોલિનાના ગવર્નર હેનરી મેકમાસ્ટરે કટોકટીની સ્થિતિ જાહેર કરી.
