બટાકા-સોજી ગાર્લિક ચિલી બાઇટ્સ રેસીપી
કુરકુરા અને ચટપટા આલૂ સૂજી ગાર્લિક ચિલી બાઇટ્સ સાંજના નાસ્તા માટે એકદમ પરફેક્ટ છે.
સામગ્રી
બાફેલા બટાકા – 3
સૂજી (રવો) – 1/2 કપ
લસણ – 5-6 કળી, ઝીણું સમારેલું
લીલા મરચાં – 2, ઝીણાં સમારેલાં
ડુંગળી – 1 નાની, ઝીણી સમારેલી
ચિલી ફ્લેક્સ – 1/2 ચમચી
ALSO READ: ગુજરાતી રેસીપી- ચીઝ બર્સ્ટ વડા રેસીપી
ઓરેગાનો – 1/2 ચમચી
કોથમીર – 2 ચમચી
મીઠું – સ્વાદ અનુસાર
પાણી – જરૂર મુજબ
તેલ – શેલો ફ્રાય કરવા માટે
બનાવવાની રીત
એક કડાઈમાં 1 ચમચી તેલ ગરમ કરી તેમાં લસણ અને લીલા મરચાંને હળવાં સાંતળો.
હવે તેમાં સૂજી ઉમેરીને 2-3 મિનિટ ધીમા તાપે શેકો.
તેમાં ધીમે ધીમે પાણી ઉમેરીને ઘટ્ટ મિશ્રણ તૈયાર કરો. મીઠું ઉમેરો અને મિશ્રણને સતત હલાવો.
મિશ્રણ ઠંડું થાય પછી તેમાં બાફેલા મેશ કરેલા બટાકા, ડુંગળી, ચિલી ફ્લેક્સ, ઓરેગાનો અને કોથમીર ઉમેરો.
બધું સારી રીતે મિક્સ કરીને નાના-નાના બાઇટ્સ અથવા બોલ્સ બનાવો.
કડાઈમાં થોડું તેલ ગરમ કરી બાઇટ્સને મધ્યમ તાપે ચારેય બાજુથી સોનેરી અને કુરકુરા થાય ત્યાં સુધી શેલો ફ્રાય કરો.
ગરમાગરમ આલૂ સૂજી ગાર્લિક ચિલી બાઇટ્સ ટોમેટો કેચઅપ અથવા ચટણી સાથે સર્વ કરો.
