ગુજરાતી રેસીપી- ચીઝ બર્સ્ટ વડા રેસીપી
કુરકુરા બહાર અને અંદરથી પિગળતું ચીઝ—આ ચીઝ બર્સ્ટ વડા સાંજના નાસ્તા માટે એકદમ પરફેક્ટ છે.
સામગ્રી
વડા માટે:
બાફેલા બટાકા – 4
બ્રેડ ક્રમ્બ્સ – 1/2 કપ
લીલા મરચાં – 2 ઝીણા સમારેલા
આદુ – 1 ચમચી
કોથમીર – 2 ચમચી
લાલ મરચું પાવડર – 1/2 ચમચી
ગરમ મસાલો – 1/2 ચમચી
મીઠું – સ્વાદ અનુસાર
ચીઝ ફિલિંગ માટે:
મોઝેરેલા ચીઝના નાના ક્યુબ્સ – જરૂર મુજબ
ઓરેગાનો અથવા ચિલી ફ્લેક્સ – થોડું (વૈકલ્પિક)
કોટિંગ માટે:
મેંદો –1/2 કપ
પાણી – જરૂર મુજબ
બ્રેડ ક્રમ્બ્સ – 1 કપ
તેલ – તળવા માટે
બનાવવાની રીત
એક બાઉલમાં બાફેલા બટાકા મેશ કરો. તેમાં લીલા મરચાં, આદુ, કોથમીર, લાલ મરચું, ગરમ મસાલો, મીઠું અને બ્રેડ ક્રમ્બ્સ ઉમેરીને સારી રીતે મિક્સ કરો.
મિશ્રણનો એક ભાગ હાથમાં લઈ તેને ચપટો કરો. વચ્ચે ચીઝનો ક્યુબ મૂકી તેને સારી રીતે બંધ કરીને ગોળ વડા બનાવો.
મેંદામાં થોડું પાણી ઉમેરી પાતળું બેટર તૈયાર કરો.
દરેક વડાને પહેલા મેંદાના બેટરમાં ડુબાડો અને પછી બ્રેડ ક્રમ્બ્સમાં સારી રીતે કોટ કરો.
કડાઈમાં તેલ ગરમ કરી વડાને મધ્યમ તાપે સોનેરી અને કુરકુરા થાય ત્યાં સુધી તળો.
ગરમાગરમ ચીઝ બર્સ્ટ વડાને ટોમેટો કેચઅપ અથવા ચીઝ ડિપ સાથે સર્વ કરો.
ટિપ: વડા તળતી વખતે તેલ ખૂબ વધારે ગરમ ન હોવું જોઈએ, નહીં તો બહારથી ઝડપથી બ્રાઉન થઈ જશે અને અંદરનું ચીઝ સારી રીતે પીગળશે નહીં.
