કાઠિયાવાડી ખાટા મગની રેસીપી

BY: વેબ દુનિયા ફીચર ટીમ

Publish: Fri, 29 May 2026 (08:49 IST) Updated: Thu, 28 May 2026 (09:03 IST)

ખાટા મગ બનાવવા માટે જરૂરી સામગ્રી:

1 કપ મગ

1 થી 2 ચમચી આદું-લસણ-મરચાંની પેસ્ટ

1/2 ચમચી હળદર

મીઠું સ્વાદ અનુસાર

જરૂર મુજબ છાસ

2 ચમચી તેલ

1/2 ચમચી જીરું

1 સુકું લાલ મરચું

ચપટી હિંગ

બનાવવાની રીત:

સૌપ્રથમ મગને ત્રણથી ચાર વાર સાફ પાણીથી ધોઈ લો. હવે કુકરમાં મગ સાથે આદું-લસણ-મરચાંની પેસ્ટ, હળદર અને સ્વાદ મુજબ મીઠું ઉમેરો. જરૂરી પ્રમાણમાં પાણી નાખી ગેસને મિડિયમ ફ્લેમ પર રાખીને લગભગ પાંચ વિસલ સુધી મગને બાફી લો.

મગ સારી રીતે બફાઈ જાય પછી તેમાં જરૂર મુજબ છાસ ઉમેરી સરસ રીતે મિક્સ કરો, જેથી મસાલાનો સ્વાદ મગમાં સારી રીતે ભળી જાય. ત્યારબાદ મગને થોડીવાર ઉકળવા દો.

હવે વઘાર માટે એક વઘારિયાંમાં તેલ ગરમ કરો. તેમાં જીરું, લાલ મરચું અને હિંગ ઉમેરો. તૈયાર વઘારને મગમાં ઉમેરી બરાબર મિક્સ કરો. પછી ફરી થોડો સમય ઉકળવા દો. તૈયાર છે સ્વાદિષ્ટ ખાટા મગ.