પોપટે 9 વર્ષ પહેલા થયેલી હત્યાનો ભેદ ઉકેલ્યો, 9 વર્ષ બાદ હત્યા અને લૂંટમાં બેને આજીવન કેદ
પોપટે કહ્યું માલિકને કોણે માર્યું? 9 વર્ષ બાદ હત્યા અને લૂંટમાં બેને આજીવન કેદ
ઉત્તર પ્રદેશના આગ્રામાં 9 વર્ષ પહેલા મહિલાની હત્યા બાદ ઘરમાં લૂંટની ઘટના બની હતી. જ્યારે પોલીસે આ મામલે તપાસ શરૂ કરી હતી, પરંતુ હત્યારાઓનો કોઈ સુરાગ મળ્યો ન હતો. દરમિયાન ઘરના પિંજરામાં રાખેલા પોપટે મહિલાના પતિની સામે તેના ભત્રીજાનું નામ લેવાનું શરૂ કર્યું હતું. મહિલાના પતિએ આ માહિતી પોલીસને આપી હતી. પોલીસે ભત્રીજાને પકડીને પૂછપરછ કરતાં હત્યાનું રહસ્ય ખુલ્યું હતું.
મળતી માહિતી મુજબ, ઉત્તર પ્રદેશના આગ્રામાં સ્પેશિયલ જજ દસ્યુ પ્રભાવિત વિસ્તાર મોહમ્મદ રશીદે મહિલાની હત્યાના કેસમાં આશુતોષ ગોસ્વામી અને રાની મેસીને આજીવન કેદની સજા સંભળાવી છે. આ સાથે 72 હજાર રૂપિયાનો દંડ પણ ફટકારવામાં આવ્યો છે.
આ કેસ 9 વર્ષ સુધી ચાલ્યો. આ કેસમાં મૃતક નીલમના પાલતુ પોપટ મિથુ રાજાએ ગુનેગારોના નામ જાહેર કરીને બધાને ચોંકાવી દીધા હતા. ખરેખર, હત્યા પછી, પાંજરામાં બંધ પોપટ સતત હત્યારાઓના નામ લઈ રહ્યો હતો.
